fbpx
Thursday, June 30
Shadow

Ƴan Sanda sun kama mutane 4 bisa kisan wani mutum a kan naira 100 a Legas

Ƴan Sanda sun kama mutane 4 bisa kisan wani mutum a kan naira 100 a Legas

‘Yan sanda a jihar Legas sun kama wasu mutane huɗu da ake zargin sun yi wa wani David Imoh mai shekaru 38 kisan gilla a yankin Lekki Phase One a jihar.

Jami’in hulda da jama’a na rundunar, Benjamin Hundeyin, ya tabbatar da kamen ga NAN a jiya Lahadi.

“Al’amarin ya faru ne a ranar 12 ga Mayu, 2022. An kama mutane hudu a rana guda dangane da wannan aika-aika. Muna nan mu na neman na biyar ɗin da a yanzu haka ya tsere.

“Wanda aka kashe shine Sunday Imoh, mai shekara 38. Za a gurfanar da wadanda ake zargin bayan an kama su. Za mu tabbatar da an zartas musu da hukunci domin ya zama izina ga wasu,”

Karanta wannan  'Yan bindiga na can sun budewa mutanen da sukayi garkuwa dasu a jirgin kasan Kaduna wuta

A cewar SP Hundeyin, ba a yarda da kisan gilla a jihar Legas ba, inda ya gargadi jama’a da su kiyaye da hakan.

“Kada ku ɗauki doka a hannunku,” in ji shi.

NAN ta jiyo cewa wasu da ake zargin ƴam achaɓa ne da ke aiki a yankin Lekki Phase One su ka lakada wa mamacin dukan tsiya a kan naira 100.

An gano cewa rashin cika Naira ɗari ne ya haifar da rigima tsakanin Imoh da wani ɗan achaɓa.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.