An tsinci gawar wani dalibin JSS 3 mai shekaru 15 a duniya yana shawagi a kan gadar Kogin Kaduna a ranar Juma’a 8 ga watan Afrilu.
Salemgists sun tattaro cewa an tsamo gawar ne bayan da aka gabatar da rahoto ga sashin bincike da ceto/Paramedic na hukumar kashe gobara ta gwamnatin jihar Kaduna.
An dai samu nasarar kwashe gawar aka mika ga iyalan mamacin domin gudanar da jana’izarsa.
Hukumar kashe gobara ta tarayya da ta yi nasarar kwashe mutanen ta ce ta gudanar da aikin ne tare da hadin gwiwar ‘yan sandan Najeriya, DSS, Redcross da kuma Hukumar Ba da Agajin Gaggawa ta Jihar Kaduna (SEMA).