Ba yadda za’a yi Boko Haram su rika kawo hari ba tare da sanin ku ba>>Shugaba Buhari ya gayawa shuwagabannin al’ummar Borno

Shugaban kasa Muhammadu Buhari ya yi kira ga mutanen jihar Borno da su hada kai da sojoji da sauran hukumomin tsaro don saukaka nasarar aiwatar da yaki da ‘yan tawayen.

Shugaban kasar ya yi wannan kiran ne lokacin da ya kai ziyarar ta’aziya a fadar Shehun Borno, Abubakar El-Kanemi, ranar Laraba a Maiduguri.

Kamfanin Dillancin Labaran Najeriya ya bayar da rahoton cewa shugaban ya je Borno don jajantawa gwamnati da jama’ar jihar game da harin da Boko Haram wanda ya yi asarar rayuka da yawa a Auno a karamar hukumar Konduga.

‘Yan tawayen sun kai hari a Auno a ranar Lahadin da ta gabata, inda suka kashe da yawa daga cikin fasinjojin da ke kwance, suka lalata gidaje, motoci da kaddarorinsu na miliyoyin Naira.

Mista Buhari ya lura cewa ba za a iya aiwatar da yaki da ta’addanci ba tare tare da kyakkyawan leken asiri da taimakon mutane ba.

“Boko Haram, ko ma menene, ba za su iya zuwa Maiduguri ko kewayenta ba tare da shugaban yankin ya sani ba; a al’adance, shugabannin karkara suna lura da tsaro a bangarorin su.

“Tare da fahimtar al’adunmu, Ina mamakin yadda Boko Haram ke rayuwa har zuwa wannan lokacin.