fbpx
Thursday, July 7
Shadow

Bayan Haramta Almajiranci Ya Kamata A Haramta Karuwanci

Shugabanni suna ta kokarin haramta almajiranci da bara a arewacin Nigeria musamman a dalilin zuwan wannan cuta na Coronavirus, har ma ana cewa Almajirai suna yada cutar Coronavirus, amma ba mu ga wani yunkuri da sukeyi na daukar mataki a kan Karuwai da gidajen karuwai ba.

 

 

Muna goyon bayan a haramta bara dari bisa dari, domin bara baya daga cikin tsarin karantarwan Musulunci, bara kaskanci ne, amma bama goyon a hana Almajiranci, ayi doka duk wanda zai tura yaranso Almajiranci to ya dauki nauyin cinsa da shansa da sutura, Almajirin da akaga yana bara a kamashi a kuma rufe tsangayar da yake karatu.

 

 

Kuma muna jawo hankalin masu iko yadda ake ta kwashe almajirai daga jihohi ana mayar dasu inda suka fito ya kamata a haramta karuwanci a rufe duk wani gidan karuwai, sannan duk wata shegiyar karuwa to koma inda ta fito.

Karanta wannan  Ahir dinka, karka kara dangantamu da Peter Obi, Haramtacciyar kungiyar IPOB ta gargadi Kwankwaso

 

 

Gidan karuwai shima guri ne da ake zuwa a kwaso cututtuka, kuma zai iya zama cibiyar yada cututtuka, saboda a dare daya akwai karuwan da tana yin jima’i da maza dabam-dabam gwargwadon yadda tayi kasuwa, mai Coronavirus zai iya zuwa ya kwanta da karuwa wanda bai dashi idan yazo ya kwashi cutar a jikinta.

 

 

Indai ba’a dauki mataki a gidan karuwai ba to mun san fada ake da addinin Musulunci ta karkashin kasa.

Daga Datti Assalafiy

Allah Ka bawa shugabanni ikon yin adalci. Amin

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.