fbpx
Monday, March 1
Shadow

Covid-19: Ganduje ya bai wa ma’aikata hutu da haramta taron bukukuwa

Gwamnatin jihar Kano ta bada umarni rufe wuraren taro da bukukuwa da umarta ma’aikata su zauna a gida zuwa wani lokaci nan gaba a wani ɓangare na matakai da take ɗauke don daƙile yaduwar annobar korona a jihar.

Gwamnatin ta kuma haramta buɗe gidaje ko sinomomin kallon ball da ke faɗin jihar, sakamakon karuwar alkaluman masu dauke da korona da ake samu a jihar.

Kwamishinan yaɗa labarai Malam Muhammad Garba ne ya fitar da wannan sanarwa a yau Talata, inda ya ke cewa gwamna Ganduje ya dau wannan matakin ne bayan taron masu ruwa da tsaki da aka gudanar jiya Litinin.

Sannan sanarwa ta ƙara da cewa, “ma’aikatan da aikinsu ya zama dole ko masu aiki na musamman kamar jami’an lafiya da kashe gobara da malaman makarantu da jami’an tsaro da ƴan jaridu kawai ne haramcin bai shafa ba”.

Gwamnatin ta kuma ce za ta ci gaba da aiki tuƙuru domin tabbatar da cewa kowa na mutunta dokoki da bin ka’idojin kare kai daga kamuwa da annobar.

Matakin gwamnatin na zuwa ne kwana guda da sake bude makarantu a faɗin Jihar.

Dan sauke manhajar hutudole a wayoyin ku. Sai a bi wannan link din na kasa:


×
Kano

Leave a Reply

Your email address will not be published. Required fields are marked *