Da Dumi Duminsa: Dan takarar gwamna a APC na jihar Taraba ya fice daga jam’iyyar bayan ya fadi zaben fidda gwani

Bayan kammala zaben fidda gwani na gwamnonin jam’iyyar APC, daya daga cikin manyan ‘yan takarar APC dake neman gwamna a jihar Taraba ya fice daga jam’iyyar,

Watau farfesa Muhammed Sani Yahaya, inda ya bayyanawa manema labarai ra’ayin nasa a babban birnin jihar, Jalingo.

Mohammed tare da wasu membobin APC duk sun bayyana cewa zaben ba’a yi shi a bisa adalci saboda haka ne ya fice daga jam’iyyar.

Kuma har yanzu bai kammala yanke shawara akan jam’iyyar da zai koma ba.