Dokokin tukin mota masu ban mamaki: A kasar Rasha laifine mutum ya tuka mota me dauda…..

Wasu dokokin kasashen Duniya suna da ban mamaki, ko kasan cewa, sabawa dokane mutum ya tuka mota da datti/dauda a kan titunan kasar Rasha.

Haka kuma a kasar Denmark, kamin ka shiga motarka ka fara tukawa, dokane sai ka duba karkashin motar taka dan dubawa ko akwai wani mutum a karkashi.

Haka a kasar Japan, idan ka bari direban da ya sha giya ya bugu ya tukaka to kaima sai an kama ka da laifin barin mashayi ya jaka a mota.

A kasar Finland dole ka sayi lasisin jin waka a motarka, kamin ka samu saka kowace iein waka kake sonji.

Laifine da za’a iya kai mutum kotu akanshi, idan ka watsawa mutum ruwa lokacin da kake tukin mota a kasashen Ingila da Japan.

A birnin Manila, babban birnin kasar filifins an kayyadewa masu tukin mota  ko sau nawa zasu tuka motocinsu a cikin sati, ana amfani da lambar motar mutum wajan kayyadewar.

 A kasar Botswana sabawa dokane daukar dabba akan mashin idan dabbar zata karewa matukin mashin din gabanshi.

A kasar Sweden dolene mutum ya bar fitilar motarshi a kunne, hadda rana, idan aka kama mutum da fitilar mota a kashe to zaisha tara.

(adsbygoogle = window.adsbygoogle || []).push({});