fbpx
Thursday, August 11
Shadow

Gobara ta kashe uwa da jariri ta a Kano

Gobara ta yi sanadiyar rasa ran wata mata, Zainab Yusha’u da jaririnta ɗan shekarar 1, Sulaiman Usaini a Kano.

Gobarar ta ƙone gidan nasu ne da ke kan titin Gwarzo, kusa da gidan kaji.

Kakakin Rundunar Ƴan Kwana-kwana ta Jihar Kano, Saminu Yusuf Abdullahi, ya tabbatar da faruwa lamarin.

“A yau, 8 ga watan Janairu mun samu kiran gaggawa da misalin ƙarfe 7 na safe da ga wani Usman Nura inda ya sanar da mu cewa gobara ta tashi a gidan.

“Sai mu ka garzaya mu ka je wajen da misalin ƙarfe 7:8 na safe. Ko da mu ka je sai mu ka tarar da gobarar.

Karanta wannan  Majalissar dinkin duniya tace harkar Crypto zata iya rusa Najeriya da sauran kasashen da suka cigaba

“Mun samu mutum biyu, Zainab Yusha’u da jaririnta Sulaiman Usaini sun makale a gidan.

“Bayan nan sai muka ceto su, amma ina rai yayi halinsa kuma tuni mu ka mikawa mijin marigayiyar gawar ta da ta jaririn ,” in ji Abdullahi.

Daga Daily Nigerian

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.