fbpx
Saturday, November 28
Shadow

Gwamna Zulum ya dauki Nauyin Karatun ‘ya’yan ‘yan Sakai

Gwamnatin Jihar Borno ta ɗauki nauyin karatun ‘ya’yan mayaƙan sa-kai da aka fi sani da Civilian JTF waɗanda suka rasa rayukansu yayin yaƙi da ƙungiyar Boko Haram.

Gwamna Babagana Umara Zulum ne ya sanar da hakan a Maiduguri, babban birnin jihar a yau Laraba yayin wani taro da ya tara dakarun sa-kai da ke taya sojoji yaƙi da ‘yan bindiga Borno.

Kazalika gwamnan ya amince da bai wa matan waɗanda aka kashe ɗin naira 50,000 kowaccensu. Taron ya gudana ne a Jami’ar Jihar Borno.

Wata sanarwa da sashen yaɗa labaran gwamnatin Borno ya fitar ta ce gwamnan ya bai wa kowane mutum ɗaya naira 20,000 na mutum 9,000 da suka halarci taron.

Haka nan, an bai wa kowannensu buhun shinkafa ɗaya da kwalin taliya ɗaya da galan ɗin man girki.

Yaƙin Boko Haram wanda aka shafe tsawon shekara 10 ana yi, ya yi sanadiyyar kashe mutum fiye da 36,000 sannan ya tilasta wa miliyoyi tserewa daga mahallinsu.

Dan sauke manhajar hutudole a wayoyin ku. Sai a bi wannan link din na kasa:

Aiko mana da labarin wani abu da ya faru a gabanka, Zamu biyaka: Send us eyewitness report we will pay you



Leave a Reply

Your email address will not be published. Required fields are marked *