Ina yiwa mataimakin shugaban kasa Osinbajo fatan samun lafiya kan tiyatar da aka yi masa, Atiku Abubakar

Dan takarar shugaban kasa na jam’iyyar PDP ya bayyana cewa yana yiwa mataimakin shugaba Buhari, Osinbajo fatan samun sauki kan tiyatar da aka yi masa.

A ranar asabar ne aka yiwa mataimakin shugaban kasar tiyata a kafarsa bayan ya samu karaya a wasan kwallon aquash.

An yiwa mataimakin shugaban kasar tiyata ne a Ikeja dake jihar Legas, kuma aikin yayi kyau an samu nasara.