fbpx
Monday, August 15
Shadow

Jam’iyyar APC ta shiga wani hali yayin da sama da mambobinta 5,000 suka sauya sheka zuwa PDP a Katsina

Kimanin mambobin jam’iyyar APC mai mulki a kasa 5,000 ne suka sauya sheka zuwa jam’iyyar PDP a kananan hukumomin Matazu da Musawa na jihar Katsina.

Rahotanni sun ce mutanen sun bi shugaban nasu Hon. Ali Maikano, ya koma babbar jam’iyyar adawa saboda musgunawa da shugabannin jam’iyyar APC suka yi musu a lokacin zaben fidda gwanin da ta gudanar a yankin.

An tattaro cewa Ali Maikano ya tsaya takarar dan majalisar tarayya mai wakiltar mazabar Matazu/Musawa a karkashin jam’iyyar APC amma bai samu nasara ba, don haka ya bayyana ficewarsa daga jam’iyyar saboda abin da ya bayyana a matsayin bijerewa tsarin dimokradiyya wanda ya hana shi samun tikitin tsayawa takara.

Karanta wannan  Gwamnatin tarayya nada kudin da zata bamu ba tare data ciwo bashi ba kawai bata damu da ilimin Najeriya bane, cewar ASUU

Da yake karbar wadanda suka sauya sheka a garin Matazu, shugaban jam’iyyar PDP na jihar, Hon. Salisu Yusuf Majigiri, ya ba su tabbacin yin adalci da daidaito a sabuwar jam’iyyarsu, ya kuma kara da cewa PDP ta kasance jam’iyyar da ba za a iya rabuwa da ita ba kuma yayan jam’iyyar suna da hadin kai a jihar.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.