fbpx
Saturday, November 28
Shadow

Legas na bukatar triliyan N1 don gyara kadarorin da aka lalata>>Gwamnan jihar Legas

Zai ci kimanin Naira tiriliyan daya don sake gina jihar Legas bayan barnar da aka yi da dukiyoyin jama’a a makon da ya gabata, a cewar Gwamna Babajide Sanwo-Olu.

Jihar ta kasance matattarar sata, kone-kone da lalata tsakanin Laraba da Juma’ar makon da ya gabata.
Kakakin majalisar wakilai Femi Gbajabiamila, ya bayyana kudin da aka kiyasta yayin ziyarar da ya kaiwa gwamnan a gidan gwamnati da ke Marina a ranar Lahadi.
Gbajabiamila, wanda ya kai ziyarar jajantawa jihar tare da mambobin majalisar wakilai daga Legas, ya ce: “Gwamnan yana gaya min yanzun nan cewa za a kashe kimanin tiriliyan daya don sake gina Legas. Hakan yasa zuciyata nauyi. Kuma na tambayi gwamna menene kasafin kudin jihar Legas? Me kuke shiri? Kuma ya fada min cewa suna shirin yin kasafin kudi na kusan naira tiriliyan daya. ”
Daga cikin sauran dukiyoyin jama’a da aka lalata akwai sabbin motocin bas 89 da suka kona a Oyingbo da Berger inda suka ajiye su.
Kowace motar bas din, a cewar kwamishinan yada labarai da dabaru Gbenga Omotoso yakai kimanin $ 200,000.
Cibiyar binciken kwakwaf ta miliyoyin nairori da cibiyar DNA, Babbar Kotun Igbosere, gine-ginen sakatariyar karamar hukuma, da daruruwan ababen hawa, sauran gine-ginen jama’a da suka watsu a fadin jihar, fitilun kan titi, da sauransu.
Gbajabiamila ya ziyarci Oba na Legas Rilwanu Akiolu, wanda fadarsa ta yi kaca-kaca da sace-sace da kuma Asiwaju Bola Ahmed Tinubu, shugaban jam’iyyar APC na kasa.
Shugaban majalisar ya bayyana barnar dukiyoyi da cewa abin bakin ciki ne da bai kamata ya sake faruwa ba.
“Ina so kuma in yi amfani da wannan damar, in yi godiya da yaba wa‘ yan’uwanmu maza da mata daga Arewa. Na fadi haka ne domin da a ce Arewa tana cikin wannan, ban sani ba ko duk za mu tsaya a yau. Shi ya sa nake yaba wa ’yan uwanmu daga Arewa.
Dage karshe ya ce dole ne a bayyana ainihin abin da ya faru a Lekki.

Dan sauke manhajar hutudole a wayoyin ku. Sai a bi wannan link din na kasa:

Aiko mana da labarin wani abu da ya faru a gabanka, Zamu biyaka: Send us eyewitness report we will pay you



Leave a Reply

Your email address will not be published. Required fields are marked *