Thursday, July 18
Shadow

‘Matsalar Najeriya sai a ce ka cancanta amma ba ka da kuɗi’

Ɗan takarar shugaban Nijeriya na jam’iyyar NNPP a zaɓen 2023, ya zargi ‘yan ƙasar a kan fifita siyasar kuɗi maimaikon zaɓar mutane masu aƙidar da za su iya kawo canji.

Injiniya Rabi’u Musa Kwankwaso ya ce dimokraɗiyyar Najeriya ta samu koma-baya saboda wasu ‘yan siyasa da kan sayi ƙuri’un mutane ta hanyar ba su atamfa ko taliya.

A cewarsa, irin wannan tunani na ɗaya daga cikin abubuwan da suka jefa al’ummar ƙasar cikin halin matsin rayuwa da taɓarɓarewar tsaron da hukumomi suka gaza shawo kansu ya zuwa yanzu.

Ya kuma ce rashin iya mulki ne ya haddasa taɓarɓarewar al’amura kamar tsaro da tattalin arziƙi a Najeriya.

Karanta Wannan  Zuwa Yanzu Alu'mma Da Dama A Jihar Kano Sun Yi Nadamar Zaɓen Jam'iyyar NNPP, Cewar Ganduje

Rabi’u Musa Kwankwaso ya bayyana haka a jerin hirarrakin da BBC ta yi da wasu ƙusoshin siyasar Nijeriya a wani ɓangare na cika shekara 25 da mulkin dimokraɗiyya karon farko a tarihin ƙasar.

Ya ce a ganinsa an samu ci gaba a cikin shekara 25 na mulkin dimokraɗiyya, ko da yake ƙasar ba ta kai inda ya kamata ta kai ba.

BBChausa.

Leave a Reply

Your email address will not be published. Required fields are marked *