fbpx
Tuesday, May 17
Shadow

Mun kashe ta ne saboda ta gane daya daga cikin mu>>Cewar dan fashin da ya kashe mai dafawa wani tsohon dan majalisar jihar Edo abinci

Wasu mutane 2 da ake zargi sun amsa laifin kashe wata yar shekaru 38 da take dafawa tsohon dan majalisar jihar Edo Hon. Ezehi MD Igba abinci.

Daga cikin wadanda ake zargin akwai Atiku Yohanna dan asalin jihar Kano, wanda ya kasance yana yiwa Hon. Igbas aiki, sun kai farmaki a gidansa dake Uromi, karamar hukumar Esan Arewa maso Gabas tare da abokinsa a ranar 31 ga watan Maris 2022 da misalin karfe 8 na dare.

Wadanda ake zargin sun shiga dakuna daban-daban suna neman kayayyaki masu daraja.

Mai dafa abinci Mary Atule ta bisu cikin daki inda nan take ta gane Atiku sannan tayi ihun neman agaji, wanda haka yasa suka sassareta da adda har ta mutu.

Karanta wannan  Kotu ta tsare wasu mutane uku da ake zargi da satar igiyoyin tiransfoma da kudinau yakai N700,000 a fadar masarautar Osun

Lamarin yasa al’umma yankin sun fara zargin Hon. Igbas wanda ya kai ga Yan sanda suka kama shi domin gudanar da bincike.

Yan kwanaki kadan bayan kama Igbas, yan sanda sunyi nasarar cafke wadanda ake zargin a garin Uromi.

Da ake zantawa da su, sun ce sun kashe ta ne bayan ta gane fuskar Atiku.

Kakakin rundunar ‘yan sandan jihar, SP Bello Kontongs, wanda ya tabbatar da kama mutanen biyu, ya ce za a gudanar da bincike mai zurfi don tabbatar da ko sun aikata irin wannan laifin a wasu sassan jihar Edo.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.