fbpx
Tuesday, July 5
Shadow

Ran Gwamna Ganduje ya baci saboda janye mukamin Farfesa da jami’ar kasar Amurka ta bashi, Yace jami’ar ta bashi Hakuri

Rikici ya kaure tsakanin tsakanin gwamnatin Kano da kuma Jami’ar East Carolina da ke Amurka kan batun ba gwamnan jihar matsayin Farfesa.

Gwamnatin Kano ta nemi jami’ar ta bayar hakuri kan musanta ba gwamnan Kano Abdullahi Umar Ganduje matsayin Farfesa inda ta ce ranta ya ɓaci kan naɗin farfesan da ya so kunyata gwamnan.

A makon da ya gabata ne sakataren watsa labarai na jihar Kano, Abba Anwar ya fitar da wata sanarwa da ke cewa Jami’ar East Carolina a Amurka ta ba Ganduje matsayin Farfesa sakamakon abin da ta kira “ƙwarewarsa wurin gudanar da mulki na gari da kuma inganta rayuwar al’umma”.

Kuma a cewar sanarwar, matsayin Farfesan na gwamnan ya shafi bayar da shawarwari ga ɗalibai masu digiri na uku, da kuma ƙananan malamai.

Karanta wannan  Yanzu yanzu dan takarar gwamnan jihar Kaduna, Uba sani ya bayyaba abokiyar takatarar shi

Sai dai daga baya jami’ar ta Amurka ta musanta cewa ta bai wa Gwamnan na Kano matsayin farfesa da kuma aikin koyarwa a jami’ar, bayan bin diddigi da Jaridar Premium Times ta yi.

Jami’ar ta ce wasikar da wani ma’aikacinta ya aike wa gwamnan ba ta samu amincewar mahukuntar jami’ar ba.

Wata sanarwar daga sakataren gwamnatin jihar Alhaji Usman Alhaji, gwamnatin Kano ta buƙaci jami’ar ta hukunta jami’in jami’ar da ya aiko wa gwamnan da takardar tabbatar masa da matsayin Farfesa domin ya nemi ya ƙunyata gwamnan da kuma al’ummar jihar Kano.

Sanarwar ta kuma ce gwamnan ba shi ya nemi matsayin a jami’ar ba.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.