Tag: Aikin Yi

Sama da 'yan Nijeriya miliyan 23.18 ba su da aikin komai ba ko kuma suna aiki na kasa da awanni 20 a kowanne mako, wadda hakan ke nufin ba su da ayyukan yayin watanni hudu na karshen shekarar 2020, kamar yadda Jaridar The Cable ta ruwaito.   A cewar rahoton kan rashin ayyukan yi da hukumar kididdiga ta kasa (NBS) da ta fitar a ranar Litinin, hakan na nufin kashi 33.3 na cikin 100 na masu neman aiki a Nijeriya ba su da ayyukan yi a shekarar 2020 daga kashi 27.1 cikin 100 a zango na biyu na shekarar 2020.   A lokacin, duk da cewa rashin aikin yi ya ragu daga kashi 28.6 zuwa 22.8 cikin 100, alkalluman rashin aikin yi da rashin samun kwakwarar aikin yi ya kai kashi 56.1 cikin 100.

Kungiyar masu masana'antu na Najeriya, MAN ta bayyana cewa, nan gaba kadan yawan wanda basu da aikin yi zai kai kaso 50 bisa 100 a Najeriya.   Kungiyar tace yanzu yawanci mutane basu da kudi  da zasu sayi kayan amfani inda yace yawan kayan amfani da kamfanoni suka samar wanda mutane sun kasa siya, darajarsu ta kai Biliyan 400. Shugaban Kungiyar,  Mansur Ahmed ya shaidawa manema labarai jiya ,Alhamis cewa akwai matsalar rashin kayan aikin da ake sarrafawa Wanda kuma zuwan cutar Coronavirus/COVID-19 ne ya ta'azzarashi.   Yace masana'antun na bukatar tallafin Gwamnati sannan kuma hukumomi su rage yawan harajin da suke karba.