Tag: Birnin Gwari

'Yan Bindiga sun budewa tawagar motocin sarkin Birnin Gwari, Alhaji Zubairu Jibril Mai Gwari na II wuta.   Lamarin ya farune akan hanyar Birnin Gwari zuwa Kaduna, saidai Sarkin baya cikin tawagar motocin.   Direbansa, Umar Jibril ya tabbatar da faruwar lamarin inda yace suna tafiya suka ga 'yan Bindigar sun ajiye itace akan hanya, yace kawai sai basu tsaya ba suka shigesu, yace sun yi ta harbi Amma Allah ya tsaresu, in banda kananan raunuka na Fashewar Gilashi, babu abinda ya samesu. “We did not stop, they targeted me, since I was driving but as Allah will have it, the bullet missed my head.”

Mutane a karamar Birnin Gwari sun fito zanga-zanga kan matsalar tsaro dake addabar yankin inda suke neman hukumomi su tallafa a shawo kan matsalar.   Mata da kananan yara, musamman wands aka kashe mazajensu ne ke dauke da kwalaye masu rubuce-rubuce dake neman a kawo karshen matsalar tsaron.   Wata Murya dake cikin Bidiyon ta yi bayanin cewa, zanga-zangar lumanace dan kira ga hukumomi a dauki mataki akan lamarin in baka ba 'yan Bindiga zasu kawar da karamar hukumar Birnin gwari daga doron kasa.   https://youtu.be/4bVnnUj0bv8

Wasu ƴan bindiga sun kai hari Tashar Kaɗanya a yankin Kutemeshi na ƙaramar hukumar Birnin Gwari da ke jihar Kaduna inda suka kashe mutum 19 a ranar Asabar. Mazauna yankin sun ce ƴan bindigar sun shigo ne misalin ƙarfe 5 na yamma inda suka buɗe wuta suka abka shagunan mutane suka kwashi kayayyaki da suka haɗa da wayoyin salula. Bayan kashe mutum 19, sun kuma raunata mutum 10, kamar yadda wani mazauni yankin ya shaida wa BBC. Ya ce da safiyar Lahadi aka yi wa mamatan jana’iza. Ƴan bindiga masu fashi da satar mutane sun addabi yankin Birnin Gwari da ke jihar Kaduna inda suka tarwatsa ƙauyuka tare da tilastawa dubbai gudun hijira.