Tag: FRCS

Oct302020 by Abubakar SaddiqNo Comments

Hukumar Kiyaye Hadurra ta Kasa ta umarci jami’anta da su koma bakin Aiki

Tsaro

A ranar Juma'ar da ta gabata ne Hukumar Kiyaye Hadurra ta Kasa FRSC ta umarci dukkan jami'anta da su ci gaba da gudanar da ayyukansu a dukkannin sassan kasar. Rundunar ta dakatar da duk wasu ayyukan ta a fadin kasar sakamakon rikice-rikicen da suka biyo bayan zanga-zangar adawa da rundunar 'yan sanda ta SARS. Hukumar ta bukaci Jami'anta da su koma bakin aikin ne ta cikin sanarwar da jami'in rundunar Boboye Oyeyemi ya fitar a ranar juma'a. A karshe ya jajantawa wadanda hatsarin mota ya rutsa da su a jihar Enugu inda mutane 21 suka rasa rayukansu a ranar Laraba.

Sep142020 by hutudoleNo Comments

Yan bindiga sun far wa jami’an hukumar FRSC, inda suka kashe biyu daga ciki

Uncategorized

Wasu da ake zargin masu garkuwa da mutane ne sun kai hari kan motoci biyu na jami’an Hukumar Kiyaye Haddura ta Kasa a wani wuri a Jihar Nasarawa, inda suka kashe jami’ai biyu. Wasu da ba a san adadin su ba sun bata. Jami’an suna kan hanyarsu ne ta zuwa wata jiha a yankin Kudu maso Gabas a ranar Litinin lokacin da ‘yan bindigar suka far wa motocinsu. Jami’in ilimantar da jama’a na rundunar, ACM Bisi Kazeem, ya tabbatar da faruwar lamarin, inda ya nuna cewa ana ci gaba da kokarin ceto mutanen da aka sace.