JOHESU | Hutudole

Sep212020 by hutudoleNo Comments

Kungiyar ma’aikatan Lafiya ta JOHESU ta janye yajin aikin da ta ke

Siyasa

Kungiyar ma'aikatan Lafiya ta JOHESU ta janye yajin aikin da take inda ta bukaci membobinta da su koma bakin aiki daga yau, Litinin. A sanarwar data fitar ta bakin shugabanta, Biobelemoye Josiah ta bayyana cewa, gwamnatin tarayya ta yi burus da bukatun data gabatar mata dasu. Tace maimakon ma gwamnatin ta biya mata bukatunta sai aka koma yi mata barazana da bata suna. JOHESU tace dan hakane yasa a yanzu ta janye yajin aikin kuma zata fito da wasu sabbin dabarun da zata bi dan neman hakkinta.

Sep142020 by hutudoleNo Comments

Ku yi hakuri ku janye yajin aikin da kuke>>Gwamnati ta roki ma’aikatan Lafiya

Kiwon Lafiya

Gwamnatin tarayya ta roki ma'aikatan Lafiya karkshin kungiyar JOHESU da su yi hakuri su janye yajin aikin da suke. Kiran ya zo ne daga ministan Lafiya, Osagie Ehanire a yayin ganawa da manema labarai, Yau, Litinin A Abuja. Yace yana kira ga ma'aikatan Lafiyar da su zo su rungumi hanyar tattaunawa maimakon yajin aiki. Yace a lokaci irin wannam da ake fama da annobar cutar Coronavirus/COVID-19 bai kamata ace sun tafi yajin aiki ba. Ya kara da cewa yajin aikin yawanci akan marasa lafiya yake karewa.

Sep142020 by hutudoleNo Comments

Yajin aikin da kuka shiga ya sabawa doka>>Gwamnati ta gayawa Kungiyar ma’aikatan Lafiya ta JOHESU

Kiwon Lafiya

Gwamnatin tarayya ta bayyana cewa yajin aikin da jami'an lafiya karkashin kungiyarsu ta JOHESu suka shiga ya sabawa dokar Najeriya dama ta kasa da kasa. Hakan na fitowa ne daga ma'aikatar kwadago ta hannun daraktan Yada labarai, Mr. Charles Akpan, kamar yanda rahotanni suka gabbatar. Yace gwamnati na kira ga kungiyar ta janye yajin aikin nata inda ya karanto dokar kasa da kasa da kuma ta Najeriya data hana ma'aikatan lafiyar shiga yajin aiki yayin da ake tsaka da annoba. Yace to ya kamata a yanzu da ake fama da Annobar cutar Coronavirus/COVID-19 ma'aikatan Lafiyar su hakura da yajin aikin dan tausawa masu jinya. Ya kuma kara da cewa yawancin bukatun ma'aikatan gwamnati ta biyasu in banda na gyaran albashi.

Sep132020 by hutudoleNo Comments

Da Dumi-Dumi:Kungiyar ma’aikatan Lafiya ta kasa, JOHESU ta tsunduma yajin aiki

Uncategorized

Kungiyar ma'aikatan Lafiya ta Najeriya, JOHESU ta bayyanawa membobinta cewa, su kauracewa guraren ayyukansu daga karfe 12 na daren yau, Lahadi. A sanarwar data fitar yau, Lahadi tace hakan ya zama dole saboda gwamnati ta kasa cika musu Alkawuran data dauka. Shugaban kungiyar, Biobelemole Josiah ne ya bayyana haka ga manema labarai. Yace mataalolin kungiyar sun hada da rashin biyansu alawus din aikin Coronavirus/COVID-19 da suka yi da gyara Musu albashi da saurasu.