Tag: N-Power

Gwamnatin tarayya ta sanar da fara zabar Sabbin ma'aikatan N-Power na Batch C inda tace zuwan cutar Coronavirus/COVID-19 ne ya sa aka sami tsaiko.   Ministar kula da Ibtila'i da Jinkai, Sadiya Umar Farouk ce ta bayyana haka a ganawa da manema labarai.   Tace an yi tsari wanda yanzu haka an samar da wani shafi na musamman da a nan ne duk wanda ya nemi aikin na N-Power zai shiga ya idasa cike bayanan sa. Tace za'a aikawa duk wanda ya nemi aiki da bayanan yanda zai shiga sabon shafin.   Shafin da za'a shiga din shine, http://www.nasims.gov.ng/   Tace an yi kokari wajan ganin an zabi wanda suka cancanta sannan kuma an baiwa masu larura ra musamman kulawa ta musamman sannan kuma tace bayan mutum ya kammala cike bayanan nasa, zai ci gaba ya rubuta jara...

Ministar kula da Ibtila'i da Jinkai,  Sadiya Umar Farouk ta bayyana cewa suna nan suna shirin samarwa ma'aikatan N-Power da suka kammala aikin madafa.   Ya ce ma'aikatan su kara hakuri suna kan tattaunawa da ma'aikatun gwamnatin tarayya daban-daban dan sakasu cikin tsarin wasu shirye-shiryen ma'aikatatun. Hutudole ya fahimci Sadiya tace sun bukaci Gwamnatocin jihohi da su mika cikakkun sunayen tsaffin ma'aikatan N-Power da suka fito daga jihohinsu. Sanarwar ta fito daga hadimar Ministar, Mrs. Nneka Anibeze inda tace kuma an amince da biyan ma'aikatan  N-Power din kudin da suke bi bashi.

Ministar kula da jinkai da Ibtila'i,  Sadiya Umar Farouk ta bayyana cewa ma'aikatan N-Power 109,000 me suka samawa kansu jari daga aikin suka kuma Dogara da kansu inda suke gudanar da sana'o'i kala-kala.   Ta bayyana hakane a wajan bikin cikar ma'aikatar shekara 1 inda tace sun kammala yaye dukkan ma'aikatan N-Power na A da B su Dubu Dari 5. Hutudole ya samo muku cewa Sadiya ta kuma bayyana cewa suna nan suna kokarin kafa hukumar nakasassu. Tace akwai kuma hukumar kula da tsofaffi da itama kwanannan za'a kafata.

A rana Talata an gano cewa sama da 'yan Najeriya miliyan biyar ne suka nemi shiga kashi na uku na shirin na N-Power. Rijistar wacce ta fara a ranar 26 ga Yuni 2020 an shirya za ta kare ranar 26 ga Yuli amma an kara ta zuwa makwanni biyu. Ma'aikatar kula da ayyukan jin kai na al'umma a cikin wata sanarwa da mai bada sawara ta gabatar ga Ministan kan Sadarwar, Hutudole ya fahimci Halima Oyelade ta ce an rufe sharin yanar gizo a ranar Lahadi 9 ga watan Agusta, 2020 tare da mutane 5,042,001 wadanda suka nemi shiga shiri. A cewar gwamnatin tarayya, mutane dubu dari hudu (400,000) kawai za su samu damar shiga shirin idan aka kammala aikin yin rajistan. Ministan, Sadiya Farouq, ta bayyana cewa za a fifita mata da kuma nakasassu a yayin zabin masu shiga shirin. Hutudole ya samo...

Gwamnatin Jihar Osun a ranar Litinin ta roki tsoffin Malaman N-Power da ke kula da manyan makarantun Sakandare uku kafin su fice daga shirin, su koma makarantun don karatun bita. Wannan na kunshe ne a cikin sanarwar  ma’aikatan gwamnati wacce Babban Mataimaki na Musamman ga gwamna kan shirye-shirye na musamman, Lukman Bello, ya yi a ranar Litinin. Kwamishinan Ilimi na jihar, Mista Folorunsho Bamisayemi, a cikin sanarwar, ya bukaci su da su sadaukar da kai don makomar daliban da ke shirye-shiryen jarrabawar kammala Makarantar Sakandare ta Yammacin Afirka. "Ina so in yi kira ga masu fitar daga shirin N-Power da ke tsari na A da  B da su taimakawa Gwamnatin Osun. Ba wata sadaukarwa da ta wuce makomar dalibanmu. ”

Matasa kusan Dubu 2 ne suka yi tattaki a Abuja ranar Laraba inda suka je fadar shugaban kasa, Muhammadu Buhari dan nuna godiya bisa shirin N-Power.   Matasan sun kuma godewa ministar kula da Ibtila'i da Jinkai,  Sadiya Umar Farouk wadda suka ce ba dan itaba da wannan shiri bai samu nasara ba. Kungiyar Concerned Citizens ne suka jagoranci wannan tataki. Da yake magana da manema labarai, shugaban kungiyar Ibrahim Kabir Dallah ya bayyana cewa shugaban kasa,Muhammadu Buhari na da 'yan najeriya a ransa dalili ma kenan da yasa ya fito da irin wadannan shirye-shiryen.