fbpx
Tuesday, July 5
Shadow

Wasu ‘yan bindiga sun harbe wani mutum har lahira bayan ya je cirar kudi a banki a jihar Ibadan

Lamarin ya faru ne a Ibadan ranar Litinin lokacin da wasu ‘yan fashi da makami suka harbe wani mai suna Taoreed Akano.

A cewar rahoton, lamarin wanda ya faru da misalin karfe 1.20 na yamma a gaban ofishin hukumar muhalli ta jihar Oyo, rahotanni sun bayyana cewa barayin sun bi sahun Akano a lokacin da ya je cirar kudi Kimanin  N150,000 da N296, 000 a bankin Guaranty Trust da ke Bodija.

A hanyar sa ta komawa, barayin wadanda suke kan wani babur sun yi nasarar budewa Akano wuta daga bisani su ka kuma tsere  da baburin sa kirara Bajaj.

Karanta wannan  Yadda wani magidanci ya babbake gidansa tare da matarsa da yaransa a ciki

Wasu shaidun gani da Ido dake Ofishin hukumar muhalli sun tabbatar da faruwar lamarin, inda suka bayyana da cewa, sun iske gawar Akano a  gefen titi kwance cikin jini nan take suka garzaya dashi zuwa Asbitin Jihar.

Haka zalika shima, Jami’in hulda da jama’a na ‘yan sanda na Oyo, Gbenga Fadeyi, wanda ya tabbatar da faruwar lamarin, ya ce an ajiye gawar Akano a asibitin Adeoyo.

 

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published.