Wata yarinya ‘yar shekara 16 ta rataye kanta ta mutu bayan anyi mata auren dole a jihar Kano

Wata yarinya Sa’adiya Umar ‘yar shekara 16 ta kashe kanta ta hanyar rataya sakamakon auren dole da iyayenta suka yi mata.

Wannan lamarin ya faru ne a kauyen Garin Dauru dake karamar hukumar Warawa a jihar Kano.

Kuma mai magana da yawun hukumar ‘yan sanda na jihar, Abdullahi Haruna Kiyawa ya tabbatar da faruwar lamarin.

Inda yace a ranar daya ga watan Augusta ne mai garin ya sanar dasu kuma an kaita asibiti inda wa’adinta ya cika a can.