Wasu mutane dauke da makamai a safiyar ranar Litinin sun kai hari a gidan yarin da ke Owerri, jihar Imo, inda suka kubutar da wasu fursunoni.
Mutanen dauke da makamai sun yi amfani da bindigogi da kuma karfin wuta sannan kuma sun kai hari kan ofishin ‘yan sanda da ke yankin.
Duk da cewa har yanzu bayanai a kan harin ba su da yawa, ana zargin mutanen dauke da makamai mambobi ne na haramtacciyar kungiyar Indigenous People of Biafra (IPOB) ne.
An bayyana cewa ‘yan sanda sun dora alhakin hare-hare na baya-bayan nan a kan ofisoshin‘ yan sanda da ma’aikata a Kudu-maso-kudu da Kudu-maso-gabas kan ‘yan kungiyar IPOB tare da kame wasu da ake zargi tuni.
