Bana cikin hadakar Adawa ta ADC, ba za’a hada baki dani a kayar da Tinubu zabe ba a 2027>>Inji Tsohon Minista, Hadi Sirika da EFCC ke bincikensa shi da diyarsa da mijin diyar bisa zargin almundahanar makudan kudade

Tsohon Ministan Sufurin jiragen sama, Hadi Sirika ya bayyana cewa, ba za’a hada baki dashi a kayar da shugaban kasa, Bola Ahmad Tinubu zabe ba a 2027.

Hadi Sirika yace baya cikin hadakar jam’iyyar ‘yan Adawa ta ADC kuma baya shirin shiga.

Ya bayyana hakane a hirar da aka yi dashi a gidan talabijin din Channels TV

Da aka tambayeshi me ya kaishi fadar shugaban kasa, sai yace sun jene dan yiwa shugaban kasar ta’aziyyar rasuwar tsohon shugaban kasa, Muhammadu Buhari.

Yace me magana da yawun shugaban kasa, Bayo Onanuga ya tambayeshi wai ya ji ance ya shiga jam’iyyar ADC ta hadakar ‘yan Adawa inda yace masa ba gaskiya bane.