Siyasa

Wakilan ƙungiyar ƙwadago ta NLC da TUC na can na ci gaba da tattaunawa da wakilan gwamnati a ofishin sakataren gwamnati da ke Abuja. Wannan dai na zuwa ne bayan kwashe sa'o'i da dama gamayyar ƙungiyoyin ƙwadago suna yajin aiki a Najeriyar, inda asibitoci da makarantu da sauran ma'aikatu suka kasance a rufe. Gwamnatin shugaba Tinubu ta nemi 'yan ƙungiyar da su janye yajin aikin su koma bakin tattaunawa. Wannan tattaunawar ita ce zangon farko kafin wadda za a yi a ranar Talata.

Gwamnatin Najeriya ta roƙi haɗaɗɗiyar ƙungiyar ƙwadago ta NLC da ta 'yan kasuwa TUC da su janye yajin aikin da suka fara a yau Litinin. Ministan Yaɗa Labarai Mohammed Idris ya nemi 'yan ƙwadagon su koma kan teburin tattaunawa, kuma bayanai sun nuna cewa yanzu haka ma 'yan ƙwadagon na tattaunawa da wakilan gwamnatin a Abuja. "Wannan roƙo ne muke yi cikin sanyin murya ga ƙungiyoyin ƙwadago da su dawo teburin tattaunawa da gwamnatin Najeriya da na jihohi ƙarƙashin jagorancin kwamatin lalubo mafi ƙarancin albashi," in ji ministan yayin wani taron manema labarai. A matsayinmu na gwamnati, muna muradin a cimma matsaya cikin lumana kuma za mu yi duk mai yiwuwa wajen cimma hakan. Jiya shugabannin majalisa sun gana da 'yan ƙwadago, yau mu ma mun sake gayyatar su don cigaba da tattaunawar."...

Sarkin Musulmi Muhammad Sa’ad Abubakar ya bukaci kungiyoyin kwadago da su saurari Gwamnatin Najeriya domin yajin aikin zai jefa kasar cikin kunci. Abubakar ya ce bai kamata kungiyar kwadago ta Najeriya NLC da Takwararta su gaji da tattaunawa da Gwamnati ba. A cikin wata sanarwa da ya sanya wa hannu, Sarkin Musulmi ya bukaci kungiyar kwadago da ta janye yajin aikin. Sarkin Musulmi ya ce, “Ya kamata shugabannin kungiyoyin kwadago su yi la’akari da illar da yajin aiki yake da shi ga jin dadin ‘yan Nijeriya wanda suke iƙirarin don su suke yi da nufin kare muradun ƴan ƙasa, don haka su yi watsi da matakin na shiga yajin aiki. Muna kira ga kungiyoyin kwadagon da kada su sake jefa al’ummar kasar cikin wani hali na kuncin rayuwa domin abin da zai faru kenan idan suka aiwatar da shirins...

An zabi Claudia Sheinbaum a matsayin shugabar ƙasa mace ta farko a Mexico bayan gagarumar nasara da ta yi a zaɓen da aka gudanar a jiya Lahadi. Hukumar zaɓen ƙasar ta Mexico ta ce sakamakon farko da aka gudanar ya nuna tsohuwar shugabar birnin Mexico City ƴar shekara 61 ta samu tsakanin kashi 58 da kashi 60 na kuri'un da aka kaɗa a zaben. Hakan ya ba ta jagorar kusan kashi 30 cikin 100 a kan babbar abokiyar hamayyarta, 'yar kasuwa Xóchitl Gálvez. Ms Sheinbaum za ta maye gurbin jigonta a siyasa, shugaba mai barin gado Andrés Manuel López Obrador, a ranar 1 ga Oktoba, na wannan shekara.

Ƙungiyar ƴan jarida ta Najeriya ta umarci mambobinta da su shiga yajin aikin da manyan ƙungiyoyin ƙwadago na ƙasar NLC da TUC suka shiga a kan dambarwar mafi ƙanƙantar albashi a ƙasar. A wata sanarwa da ƙungiyar ta fitar mai ɗauke da sa hannun Babban Sakatarenta, Achike Chude, a jiya Lahadi, ƙungiyar ta umarci dukkanin shugabanninta a matakai daban-daban a jihohin ƙasar har da Abuja su tabbatar ƙungiyar ta shiga yajin aikin, domin mara baya ga manyan ƙungiyoyin ƙwadagon. Sanarwar ta ce matakin ya zama wajibi saboda gazawar gwamnati kan yarda da buƙatar samar da albashin da ma'aikatan Najeriya za su iya rayuwa da shi. Rahotanni na nuna cewa yajin aikin na gama-gari da manyan ƙungiyoyin ƙwadagon na Najeriya suka shiga daga yau Litinin na samun karɓuwa a fadin ƙasar, yayin da shugaba...

Marasa Lafiya na fama da kansu inda suka rasa madafa a asibitin Muhammadu Abudullahi Wase Teaching dake Kano saboda yanda ma'aikatan Asibitin suka ahiga yajin aikin NLC. Jaridar Daily Trust tace marasa lafiya da yawa da suka je ganin likita asibitin sun yi cirko-cirko saboda rashin likitoci. Wasu dole haka suka koma gida ba tare da sanin ranar da zasu sake komawa ganin likitan ba. Wata mata me fama da ciwon suga Binta Muhammad ta bayyana cewa, da tasan ba zata samu ganin likita ba da bata fito daga gida da wuri haka ba. Saidai wata majiya daga asibitin tace har yanzu ana kula da marasa lafiya wanda suke da matukar bukata. Bayan asibitin, Majalisar Jihar Kano, ofishin shugaban ma'aikata, babbar kotun jihar Kano, da kotun daukaka kara da sauran manyan ma'aikatu duk a kulle suk...

Babban bankin Najeriya, CBN ya sanar da soke lasisin bankin Heritage Bank da kuma kulle bankin. Babban Darakta a CBN, Hakama Sidi Ali, ne ya bayyana hakan inda yace an dauki wannan mataki ne dan tsaftace harkar banki da kuma karawa mutane kwarin gwiwar yadda da tsarin banki a kasarnan. Ya kara da cewa bankin na Heritage Bank ya kasa fitar da bayanai kan yanda yake gudanar da ayyukansa dan ganin ya ci riba ko ya fadi. Sannan an bashi damar farfadowa daga matsalar da yake ciki amma lokaci me tsawo ya wuce bankin bai nuna alamar farfadowa ba dan hakane CBN ta ga cewa kawai abu magi a'ala shine rufe bankin. CBN ta kara da cewa hukumar (NDIC) wadda ke baiwa kudaden Al'umma dake banki kariya ta hanyar Inshora ce zata kula da yadda za'a kulle bankin. CBN yace yana baiwa 'yan Najeri...

Babban lauya kuma me ikirarin kare hakkin bil'adama, Femi Falana ya nemi majalisar tarayya data gaggauta amincewa da kudirin dokar da zai karawa ma'aikata mafi karancin Albashi kamar yanda ta yi akan kudirin dokar canja taken Najeriya. Falana a wata sanarwa da ya fitar yace, tsohuwar dokar kudirin mafi karancin Albashi ta daina aiki dan haka akwai bukatar majalisar ta amince da sabuwar kudirin dokar. Kungiyoyin kwadago na NLC da TUC dai sun fara yajin aiki a yau, Litinin dan nuna kin amincewa da karin Naira dubu sittin(60,000) a matsayin mafi karancin Albashi. Wannan kira na Femi Fala dai zai yiwa ma'aikata da yawa dadi ganin cewa hakan zai kawo fara biyan sabon mafi karancin Albashin da gaggawa.