Hasken fata cikin kankanin lokaci

Akwai hade-haden abubuwa a gida da zasu kara miki hasken fuska sosai ba tare da kin sayi man shafawa mw tsada ba.

Ga abubuwan kamar haka:

Ana hada Lemun tsami, Zuma da Madara:

Ana saka babban cokali na madara sannan a saka karamin cokali na zuma sai a saka babban cokali na ruwan lemun tsami a dama.

Idan suka hadu sosai, sai a shafa a fuska a bari zuwa mintuna 20 a wanke.

A ci gaba da yin hakan zuwa sati 1 ko 2, wannan hadi yana sa fuska ta yi fari sosai.

Ana kuma yin amfani da ruwan dankalin Turawa.

Yanda ake yinshi shine za’a fere dankalin sai a yankashi kanana-kanana a saka a cikin ruwa a rika dauko dankalin aka shafawa a fuska.

Ana kuma iya markada dankalin ko a kirbashi, a matse ruwan jikinshi da rariya ko abin tatar koko.

Ana iya shafawa a fuska a kwanta dashi, da safe a dauraye.

Hakan yana saka fuska ta yi haske sosai matuka.

Hakanan dan samun hasken fata cikin kankanin lokaci, ana iya samun shinkafa rabin kofi a nikata a tankade a samu garinta me laushi sosai a hada da madara cokali 3-4 a kwaba a shafa a fuska.

Hakan na matukar sanya fuska da yi haske sosai idan aka ci gaba da yi akai-akai.