EFCC Ta Kama Masu Zamba a Yanar Gizo 120, Ta Kwato Motoci Masu Tsada a Jihar Legas.
A ranar Litinin ɗinnan Hukumar Yaki da Cin Hanci da Rashawa ta (EFCC) reshen Lagos ta kama mutane 120 da ake zargi da aikata zamba ta yanar gizo — maza 95 da mata 25 — a wani samame da aka kai a wurare daban-daban cikin jihar Legas.
An gudanar da samamen ne bayan samun sahihin bayanan sirri kan ayyukan masu damfara ta intanet.
Abubuwan da EFCC ta kwato sun hada da:
Motoci masu kyau guda 26
Kayan adon alfarma
Wayoyi masu kyau da kwamfutoci
Takardu da shaidu da ke da nasaba da zamba ta intanet
Karanta Wannan Kamfanin BUA yayi magana kan Kammala matatar man fetur din da yake ginawa a Akwa-Ibom
EFCC ta bayyana cewa ana ci gaba da bincike a kan wadanda ake zargin, kuma za a gurfanar da su a kotu bayan kammala binciken.