Cin abincin dake da wahalar narkewa ko shan wasu kalar magunguna na sa a rika yin tusa da yawa.
Yawanci dai Tusa na da alaka da kalar abincin da mutum ke ci ne ko kuma wata rashin lafiya.
Wata tusar na da kara, wata bata da kara yayin da wata ke da wari wata kuma bata da wari, ko ma dai menene masana kiwon lafiya sun ce mafi yawan mutane sukan yi tusa sau 10 zuwa 20 a rana.
Mafi yawan abincin dake kawo Tusa sun hada da Wake ko ganye wanda ba’a dafa ba, irin su latas, da shan madara, lemun kwalba, Alkama da sauransu.
Sauran abubuwan dake kawo yawan tusa sun hada da shan Alewa,shan taba, shan giya,shiga yanayi na matsi ko damuwa,
Yin tusa ba matsala bane amma idan ta yawaita tana iya zama illa ga mai yinta. Ana iya samun waraka daga yawan tusa ta hanyar canja kalar abincin da ake ci.
Ko kuma idan hakan bai kawo sauki ba sai a nemi magani.
Maganin Yawan Tusa:
Babban maganin yawan tusa shine ka lura da irin abincin da idan kaci yake sa ka yawan tusa ka daina cinsa.
A rage cin Abinci da yawa, a rika cin abinci kadan a lokuta daban-daban, hakan zai baiwa jiki damar sarrafa abincin ba tare da takura ba.
A rika motsa jiki: Motsa jiki na da tasiri sosai wajan magance matsalar yawan tusa.
A rage cin cingam,Shan Taba, da lemukan kwalba.
Akwai magunguna irinsu Gas-X da Mylanta Gas dake maganin yawan tusa.