Daga Mukhtar A. Haliru Tambuwal Sokoto
Matashin nan mai aikin shara a filin jirgin sama na kasa da kasa dake Kano, Auwal Ahmad Dankode da ya tsinci makudan kudi ya maida a kwanan baya (dalar Amurka dubu goma a wancan lokacin kimanin naira miliyan 16) ya kasance cikin wadanda Mai Alfarma Sarkin Musulmi Alh. Muhammad Saad Abubakar CFR mni ya karrama a lokacin rufe taron makon Danfodiyo karo na 11 da aka gabatar a Sokoto.
A duk shekara Mai Alfarma Sarkin Musulmi na karrama zababbun mutane da kuma wadanda suka yi wata bajinta ta hidima ga al’umma, ko addini ko makamantansa.
An karrama wanda ya tsinci kudi cikin Keke Napep da wadda ta cinci kudi a Aikin Hajji, duk da matsin halin da ake ciki.
‘Ýan Nijeriya sun yi suna wajen tsinta da maida abin da suka tsinta ciki da wajen wannan kasar.