Amfanin lemun tsami a fuska

Lemon tsami yana da yawan amfanin ga fuska saboda yana dauke da sinadaran da suke da amfani sosai wajen inganta lafiyar fata.

Ga wasu daga cikin amfaninsa:

1. Kawar da Kuraje: Sinadarin citric acid da ke cikin lemon tsami yana da abubuwan kashe kwayoyin cuta, wanda zai iya taimakawa wajen rage kuraje da kuma hana sababbin fitowa.
2. Gyara Fata: Vitamin C da ke cikin lemon tsami yana taimakawa wajen kara samar da collagen, wanda yake gyara da kuma kara lafiyar fata, yana kuma taimakawa wajen rage bayyanar wrinkles.
3. Haskaka Fata: Lemon tsami yana da abubuwan bleaching wadanda zasu iya taimakawa wajen rage launin duhun fata ko tabo na kuraje, yana kuma kara wa fata haske.
4. Tsaftace Fata: Lemon tsami yana dauke da sinadaran exfoliating wanda suke taimakawa wajen cire matattun kwayoyin fata, yana sa fatar ka ta yi tsafta da kuma laushi.
5. Rage Tsufa: Amfani da lemon tsami yana iya taimakawa wajen rage tsufan fata ko tattarewarta ta hanyar rage fadin pores din fata.
6. Kawar da Mai: Ga wadanda fatarsa ke yawan fitar da mai, wasu ma zaka ga man baya bari kwalliyata dade a fuska, lemon tsami yana taimakawa wajen rage yawan mai a fuska saboda yana da sinadaran astringent.

Yadda Ake Amfani da Lemon Tsami Ga Fuska

1. Ruwan Lemon Tsami: A matse ruwan lemon tsami daga cikin lemon sannan a shafa a kan fuska da auduga. A bar shi na tsawon minti 10-15 sannan a wanke da ruwan dumi.
2. Lemon Tsami da Zuma: A hada ruwan lemon tsami da zuma sannan a shafa a fuska. A bar shi na tsawon minti 15-20 sannan a wanke da ruwan dumi. Wannan hadi yana taimakawa wajen kara laushin fata da kuma rage kuraje.
3. Lemon Tsami da Madara: A hada ruwan lemon tsami da madara sannan a shafa a fuska. Wannan yana taimakawa wajen rage tabo da kuma kara laushin fata.
4. Lemon Tsami da Baking Soda: A hada ruwan lemon tsami da baking soda sannan a shafa a fuska a matsayin mask. A bar shi na minti 10 sannan a wanke da ruwan dumi. Wannan yana taimakawa wajen cire matattun kwayoyin fata da kuma kara hasken fata.

A kula kada a bar lemon tsami na tsawon lokaci sosai a fuska domin yana iya busar da fata ko kuma jawo tsananin laushi.

Kuma bayan amfani, ana bada shawarar a shafa man shafawa mai laushi, kamar man kwakwa ko man Zaitun.

Idan ka samu wata matsala ko rashin jin dadi bayan amfani da lemon tsami, yana da kyau ka dakatar da amfani da shi sannan ka tuntubi likita.