Hajjin Bana

Hukumar jin dadin alhazai ta jihar Kebbi ta sanar da rasuwar wani Mahajjacin jihar a birnin Makkah na kasar Saudiyya. Hakan ya fito ne a cikin wata sanarwa da kungiyar yada labarai ta Kebbi Hajj 2024 ta fitar a ranar Lahadi. Shugaban hukumar Alhaji Faruku Aliyu-Enabo ya bayyana sunan marigayin da Abubakar Abdullahi wanda ya fito daga Gulma a karamar hukumar Argungu. A cewar Aliyu-Enabo, Abdullahi ya rasu ne bayan gajeruwar rashin lafiya. Shugaban hukumar ya bayyana cewa Gwamna Nasir Idris ya nuna alhininsa kan rasuwar tare da yi wa marigayin addu’a, inda ya roki Allah ya gafarta masa kurakuransa, ya kuma ba shi Jannatul Firdaus. “Gwamnan ya kuma bukaci iyalan mamacin da abokan arziki da mahajjatan Kebbi da su jajirce wajen karbar nufin Allah Madaukakin Sarki cikin aminci,” i...

Wata Mahajjaciya 'yar Najeriya a kasar Saudiyya ta kashe kansa. An bayyana sunanta da Hajia Hawawu Mohammed kuma ta fito ne daga jihar Kwara. Shugaban hukumar alhazai na jihar, Abdulsalam Abdulkadirne ya bayyana haka inda yace ta fado ne daga gidan bene inda take zaune. Ya kuma ce akwai kuma wani Saliu Mohammed da shima ya rasu a Asibiti. Yace sun yi takaicin faruwar lamarin amma sun sa a ransu cewa kaddara ce daga Allah.

Hukumar Alhazai ta kasa ta bayyana ranar 22 ga watan Yuni a matsayin ranar da Mahajjatan bana zasu fara dawowa gida Najeriya. Shugaban hukumar, Jalal Arabi ne ya bayyana haka ranar Lahadi inda yace jirage 120 ne suka dauki mahajjatan zuwa kasa me tsarki. Yace kuma ranar 222 ga watan Yuni jiragen zasu fara dawo da mahajjatan gida Najeriya. Ya kara da cewa, ba'a yi tsammanin aikin Hajjin bana zai yiyuba amma cikin ikon Allah sai gashi ya faru.

Maniyyata Hajjin bana daga Najeriya na ci gaba da tashi zuwa ƙasa mai tsarki duk da yajin aikin 'yan ƙwadago da ya haddasa tsaiko a filayen jirgin ƙasar. Hukumar Alhazai ta Ƙasa National Hajj Commission of Nigeria (Nahcon) ta ce aƙalla maniyyata 737 ne suka tashi a yau Litinin daga jihohin Kwara da Sokoto. Nahcon ta ce jirgin Air Peace ne ya fara tashi a yau daga birnin Ilorin na jihar Kwara da mutum 311 da misalin ƙarfe 9:52 na safe. Sai kuma wani jirgin Flynas da ya sake tashi da mutum 426 daga jihar Sokoto. Alƙaluman da hukumar ta wallafa sun nuna cewa zuwa yanzu jimillar maniyyata 38,249 aka kwashe zuwa Saudiyya don gudanar da babbar ibadar ta addinin Musulunci.

Hukumar alhazan Najeriya, NAHCON ta gargadi maniyyatan kasar kan sayar wa wadanda ke zaune a Saudiyya domin neman kudi da aka fi sani da 'takari' tufafin da hukumar ta dinka musu domin gudanar da ayyukan hajjin. Daraktan Da'awah na hukumar ta NAHCON reshen jihar Kebbi, Sheikh Aminu Hassan ne ya bayyana haka lokacin da yake yi wa maniyyatan jhar jawabi bayan isarsu kasa mai tsarki. Akwai zarge-zargen cewa takarin na sayen tufafin wasu maniyyatan musamman mata da kudi masu yawan gaske, tare da yin bad da bami domin shiga cikinsu da fakewa da aikin hajjin wajen aikata abubuwan da ba su dace ba. Sheikh Aminu Hassan ya ce sayar da tufafin babban laifi ne da zai iya janyo wa duk wanda ya aikata hukunci mai tsanani, don haka ne ya gargadi maniyyatan su kauce wa wannan mummunar dabi'a. ...

Bidiyon yanda aka hada irin dakin Ka'aba a Najeriya ake koyawa mahajjata yanda zasu yi aikin Hajji ya watsu a shafukan sada zumunta. Mutane da yawa sun bayyana mabanbanta ra'ayoyi akai. https://twitter.com/LifeSaudiArabia/status/1795470560224583895?t=CHtszFt-1PKa3DNX791TJw&s=19 Akwai wanda suke ganin cewa babu abinda Ma'aiki, Annabi Muhammad(SAW) ya bari be koyar da al'umma ba dan haka yin wannan abu tunda annabi(SAW) bai yi ba kuma bai ce ayi ba bai kamata ba. A bidiyon dai an ga wani daki me kama da na ka'aba, mutane sanye da fafaren kaya suna zagayashi, kamar dai a Makkah. Saidai inda mutum zai gane ba dakin ka'aba bane, ga mutane na gefe suna kallo, sannan kuma ga gurin kasa ne, ba kamar a saudiyya ba.

Rahotanni sun bayyana cewa, mahajjaci dan Najeriya daga jihar Legas ya rasu a kasar Saudiyya. Idris Oloshogbo dan shekaru 68 ya rasu ne bayan ya kammala dawafi yana cikin cin abinci. Jami'an lafiya na kasar Saudiyya sun tabbatar da rasuwar Idris. Sakataren hukumar kula da walwalar Alhazai ta jihar Legas, Saheed Onipede ya tabbatar da faruwar lamarin inda yace suna mika ta'aziyya ga iyalan mamacin.