Gwamnatin shugaban kasa, Bola Ahmad Tinubu ta bayyana cewa, zata fara amfani da tattalin arziki na halal, wanda a Turance ake cewa Halal Economy
Wannan tattalin arziki ana kasuwancin kayan amfanin da addinin musulunci kadai ya yadda ayi amfani dasu ne, misali idan aka zo wajan nama, ba za’a yi kasuwancin Naman Alade ba da sauransu.
Mataimakin shugaban ma’ikatan fadar shugaban kasa, Senator Ibrahim Hassan Hadejia ne ya bayyanawa manema labarai na Thisday haka.
Yace kasancewar Najeriya na amfani da irin wadannan kaya suka ga cewa ya kamata suma su shiga harkar wannan tattalin arziki da ake yayi suma ayi dasu.
Yace kuma kar wani yayi tunanin wai saboda addini ne, yace Halal Economy ya na kusa da kaiwa darajar Dala Tiriliyan 7.
Yace kuma a cikin kasashen da suke amfani dashi, kasar Turkiyya ce kadai kasar Musulunci, sauran kasashen sune New Zealand, Australia, United States, Brazil da zauransu.