Dan gwagwarmayar kare hakkin ɗan’adam kuma tsohon dan takarar shugaban kasa, Omoyele Sowore, ya zargi wani ɗansanda da sace masa gilashin da mai ɗauke da na’ura a wajen zanga-zangar da aka yi a hedikwatar ƴansanda a Abuja a yau Litinin.
Zanga-zangar, wacce Sowore tare da wasu masu fafutukar kare hakkin bil’adama da tsoffin jami’an ‘yan sanda suka jagoranta, ta nemi a inganta walwalar jami’ai da kuma cire tsoffin jami’an daga tsarin fansho na haɗaka.
Daily Trust ta rawaito cewa a wani sako da ya wallafa a shafinsa na sada zumunta , Sowore ya bayyana cewa jami’in, wanda ke cikin kayan fararen hula, an kama shi a bidiyo yana aikata laifin.
“Wannan jami’in rundunar ‘yansanda na Najeriya, cikin kayan fararen hula, ya sace min gilashin AI Rayban a hedikwatar rundunar yayin #ZangaZangarYanSanda yau. Manyansa suna kare shi. Don Allah a turo min saƙo idan kun san sunansa da mukaminsa cikin gaggawa!” in ji Sowore.