Author: Bashir Ahmed

Kungiyar Kiristoci ta CAN reshen Jihohin Arewa 19 da Abuja ta bayyana rashin jin dadinta kan yanda ake samun wasu suna batawa dan shugaban kasa, Seyi Tinubu suna da yada karya akansa. Shugaban kungiyar, John Joseph Hayab ne ya bayyana hakan inda yace mutane su sani akwai rayuwa bayan mahaifinsa, Tinubu ya sauka daga shugaban kasa. Ya kara da cewa, yada karya ya sabawa Al'ada da Addinin da muke bi. Yace dan haka kamata yayi kafafen watsa labarai su rika tantance labari kamin su yadashi.

Rahotanni sun bayyana cewa, dakataccen gwamnan jihar Rivers, Simi Fubara ya je gidan ministan Abuja, Nyesome Wike dan neman a sasanta. Hakan na zuwane kwanaki kadan bayan da Fubara ya gana da shugaban kasa, Bola Ahmad Tinubu a birnin Landan. Gwamna Dapo Abiodun na jihar Ogun da tsohon gwamnan jihar, Olusegun Osoba ne suka yiwa Fubara jagoranci zuwa gidan Wike. Rahoton yace Fubara ya kwanta kasa ya gaishe da Wike inda ya rika kiransa da Ogana Ogana. Wata majiya tace sai can duhu yayi sosai sannan Fubara ya bar gidan. Hakanan majiyar ta kara da cewa, Wike ya bukaci Fubara ya je ya tara mutanensa ya gaya musu ainahin abinda ya hadasu fada. Kakakin Wike, Lere Olayinka ya tabbatar da faruwar lamarin amma bai bayar da cikakken bayanin abinda ya faru ba

Hukumar agajin gaggawa a Najeriya ta ce ta karɓi 'yan ƙasar 203 da aka kwaso daga Libya bayan sun kasa fitowa daga ƙasar ta arewacin Afirka. Jim kaɗan bayan isarsu filin jirgin sama na Murtala Muhammed a Legas a jiya Litinin ne jami'an hukumar ta tarɓe su. Jirgin kamfanin Al Buraq ne ya kwaso mutanen, waɗanda suka ƙunshi maza manya 50, mata manya 96, da yara 29, da kuma jarirai 28. Ƙungiyar kula da ƙaura ta duniya wato International Organisation for Migration (IOM) ce ta ɗauki nauyin mayar da su gida bisa haɗin gwiwa da hukumar National Emergency Management Agency (Nema) da sauran hukumomi. Wata sanarwa da Nema ta fitar ranar Talata ta ce biyu daga cikin mutanen na buƙatar kulawar gaggawa, "kuma nan take aka kai su asibitin Ikeja domin duba su".

Shaguna kusan 500 ne suka ƙone ƙurmus sanadin tashin gobara a babbar kasuwar Jos da aka fi sani da Terminus a jihar Filato ta tsakiyar Najeriya. Yankasuwar sun ce gobarar ta tashi ne da tsakar daren jiya Talata kuma sun yi asarar dukiya ta miliyoyin naira. Hukumar agajin gaggawa ta Najeriya Nema ta ce mutum 309 ne shuganansu suka ƙone tare da kayan ciki, sai wasu 58 da 'yandaba suka wawashe. Mustapha Ibrahim Bako, shi ne shugaban kasuwar ta Terminus kuma ya faɗa wa BBC cewa rashin zuwan motocin kashe gobara da wuri ne ya jawo ta'azzarar ɓarnar. "Halin da ake ciki babu daɗi, a jiya mun kwashe mutane sun fi 10 saboda hayaƙin da suka shaƙa, wasu kuma firgici," in ji shi. Ya nemi gwamnatin jihar da "kada ta ce za ta kori kowa a kasuwar, saboda akwai wuraren da wutar ba ta shafa ...

Majalisar Koli ta Shari’ar Musulunci a Najeriya (SCSN) ta bayyana mataimakin shugaban ta, Sheikh Dr. Bashir Aliyu Umar a matsayin sabon shugaba. Sanarwar ta biyo bayan rasuwar tsohon shugaban majalisar, Sheikh Abdul Rasheed Hadiyatullah a ranar Litinin. A wata sanarwa da babban sakataren majalisar, Malam Nafiu Baba Ahmed ya sanya wa hannu, ta bayyana rasuwar Sheik Hadiyatullah a matsayin babban rashi ba ga majalisar kadai ba har ma ga daukacin al'ummar musulmin Najeriya da ma wajenta. Yayin da ya ke addu’ar Allah ya gafarta masa, Ahmed ya ce an nada Dakta Bashir daidai da tsarin mulki da kuma tsarin da aka kafa majalisar a kai.

Gwamna Umo Eno na jihar Akwa Ibom ya bayyana yiwuwar sauya sheka zuwa jam’iyyar APC mai mulki, inda ya bayyana cewa babbar jam’iyyar adawa ta PDP ta kasance tamkar lalataccen jirgin sama, kuma ga dukkan alamu ba ta da karfin da za ta sa ya sake cin zaɓe a 2027. Da ya ke magana kan guguwar sauya sheka da ta samu PDP, wanda na kwanan nan shi ne gwamnan jihar Delt, Sheriff Oborewori, wanda ya koma APC tare da magoya bayansa da dama, Fasto Eno ya yi nuni da cewa nan ba da jimawa ba jam’iyyar PDP za ta durkushe. Da ya ke jawabi ga dimbin jama’a da suka yi tururuwa a dandalin Town Square na mazabar Ukanafun/Oruk Anam a jiya Talata gwamnan ya bayyana cewa shi ma zai bi sahun masu sauya sheka yayin da zaɓen 2027 ke karatowa.

'Yan Fashi a kasar Afrika ta kudu sun shiga bankin, First National Bank (FNB) dake garin inda suka saci makudan kudade. Ba'a bayyana Yawan kudaden da suka sa ba amma ance masu yawa ne. A yayin da suka yi satar an tabbatar da cewa kyamarorin CCTV na bankin sun daina aiki. An gano satar ne bayan da ma'aikatan bankin suka koma bakin aiki bayan dogon hutun da suka je.

Ģa Shi Dai Kazamìn Rafì, Amma A Haka Jama'ar Yankin Ke Amfani Da Shi A Garin Suleja. Daga Rashida Bala Biyo bayan rashin wadataccen ruwa ya sa al'ummar yankin unhuwar Koko dakw karamar hukumar Suleja na amfani da wani kaźamìn ruwan rafi. Ya dai kamata gwamnati ta kawo musu dauki don ganin an tsaftace musu rafin tunda ba su da wata mafita dole da shi al'ummar yankin ke amfani. Suna amfani da shi ne wajen wanke-wanke, wanka, wanki, wasu har diba suke yi su kai gida su dafa shi su tace sannan su yi amfanin da shi ìdan bukatar hakan ya taso.

Jama'a Wallahi Mu Bi Duniya A Sannu, Kun Ga Dai Halin Da Na Koma Yanzu Ba Ni Da Komai, Inji Shaŕaŕriýar Mai Yaďa Bàďala A Țìķțòķ, Munirat Abdulsalam. "Yan uwa kun ga halin da nake ciki, ba ni da komai yanzu, a cikin wannan gidan nake rayuwa, jiya na yi bidiyo ina neman yafiyarku akan abubuwan da na yi a can baya. Bayan haka ina neman ku taimaka mani da wani abu saboda na samu abunda zan dinga ci ina sha, -Inji Munnirat Abdulsalam.

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} ALLAHU AKBAR: Na fito ne daga kasar Japan kuma na musulunta, Allah shi ne rayuwata Allah ne burina. Musulunci addini ne na hakika a duniya. A baya ni Kirista ce yanzu na musulunta.