Bashir Ahmed - Hutudole

Jun132024 by Bashir AhmedNo Comments

Sojojin Najeriya sun tarwatsa sansanin horas da ƴan awaren IPOB a Abia

Tsaro

Rundunar sojin Najeriya tare da haɗin gwiwar dakarun Task Force Tactical Patrol Squad sun kai wani samame a wani sansanin horas da masu fafutukar kafa ƙasar Biafra (IPOB) da takwararta ta ESN a unguwar Ihechiowa na ƙaramar hukumar Arochukwu ta jihar Abia. A yayin farmakin, sojojin sun yi nasarar kutsawa tare da tarwatsa sansanin da kuma lalata dukkan na’urorin horas da mayaƙan da kuma kayayyakin da aka samu a wurin. Rundunar sojin ce ta sanar da hakan a shafin sada zumuntarta na X. Cikin wata sanarwa da da rundunar ta wallafa a shafinta na X, ta ce samamen da sojojinta suka kai wani muhimmin mataki ne a ƙoƙarin da ake yi na daƙile ayyukan ta’addanci da ƙungiyoyin IPOB da ESN ke yi, waɗanda ke da alaka da kalubalen tsaro da tashe-tashen hankula da ake fama da su a kan ‘yan ƙasa da ...

Jun132024 by Bashir AhmedNo Comments

Messi ba zai buga wa Argentina gasar Olympics ba

Kwallon Kafa

Tauraron ɗan wasan Argentina Lionel Messi ya ce ba zai shiga cikin tawagar ƙasarsa ta 'yan ƙasa da shekara 23 ba yayin gasar wasanni ta Olympics. A madadin haka, Messi mai shekara 37 zai mayar da hankali kan buga gasar Copa America da za a fara a watan nan. "Na faɗa wa kociya Mascherano kuma gaskiya mun fahimci matsalar," kamar yadda Messi ya faɗa wa kafar yaɗa labarai ta ESPN. "Da wuya [mutum ya dinga tunanin Olympics yanzu] saboda Copa America ne a gabanmu. Zai zama wata biyu ko uku zan yi ba tare da ƙungiyar [Inter Miami] ba kenan, kuma yanzu shekaruna sun wuce a ce na shiga komai da komai. "Ya kamata na duba da kyau, abin zai yi yawa idan na buga gasa biyu a jere. Na yi sa'a sosai da na buga Olympics kuma na lashe gasar tare da Mascherano." Argentina da Messi za su ...

Jun132024 by Bashir AhmedNo Comments

Sojojin Najeriya sun kashe ƙasurgumin ɗan bindiga, Buharin Yadi a Kaduna

Kaduna, Katsina

Sojojin Najeriya sun sun ce sun kashe wani ƙasurgumin ɗan bindiga da ya addabi wasu yankunan arewa maso yammacin ƙasar mai suna Kachalla Buhari Alhaji Halidu da aka fi sani da Buharin Yadi da wasu yaransa fiye da 30.. Cikin wata sanarwa kwamishin harkokin tsaron cikin gida, Samuel Aruwan, ya fitar ya ce lamarin ya faru ne sakamakon wani gagarumin farmaki da dakarun rundunar 'Sector 6 Operation Whirl Punch' suka kai a kan iyakar Kaduna da Katsina Ya ƙara da cewa Manjo Janar MLD Saraso ya jagoranci farmaki kan Yadi da mayaƙansa bayan samun rahotannin sirri da sojojin suka samu daga jihar Katsina. Sanarwar ta ce sojojin sun yi ba-ta-kashi da 'yan bindigar a kusa da dajin Idasu, inda suka kashe ‘yan bindiga aƙalla 36 ciki har da Kacahalla Buharin Yadi. Ƙasurgumin ɗan bindigar ya yi...

Jun132024 by Bashir AhmedNo Comments

Goron Sallah: Gwamnan Sokoto ya bai wa ma’aikatan jihar naira 30,000

Sokoto

Gwamnan jihar Sokoto Ahmed Aliyu Sokoto, ya amince da bai wa ma'aikatan jihar naira 30,000 a matsayin goron sallah. Cikin wata sanarwa da kwamishinan muhalli na jihar, Nura Shehu ya aike wa BBC, ta gwamnan jihar ya amince da bai wa duka ma'aikatan jihar da ƙananan hukumomi da masu fansho goron sallar. Sanarwar ta ƙara da cewa su ma ma'aikatan wucin gadi masu karbar alawus-alawus za su amfana da goron sallar. ''Rukuni na farko ya haɗa da ma'aikatan Jiha, da na ƙananan hukumomi za su karɓi naira 30,000 a matsayin goron Sallah'', in ji sanarwar. Sanarwar ta kuma ce ''rukuni na biyu da ya ƙunshi masu karɓar fansho da masu karɓar alawus-alawus a ƙananan hukumomi da kuma masu karɓar alawus-alawus a hukumar kula da kiwon lafiya a matakin farko waɗanda za su karɓi naira 20, 000 a matsa...

Jun132024 by Bashir AhmedNo Comments

Da Duminsa: ‘Yansanda sun haramta hawan Sallah a Kano

Kano

Rundunar 'yan sandan Najeriya a jihar Kano ta haramta gudanar da bukukuwan hawan sallah da aka saba yi na al'ada a faɗin jihar. Cikin wata sanarwa da kakakin rundunar 'yan sandan, Abdullahi Haruna Kiyawa ya fitar, ta ce hakan na cikin shawarwarin tsaro da rundunar ta bai wa mazauna jihar gabanin bukukuwan babbar sallah da za a soma ranar Lahadi. Sanarwar ta ce rundunar za ta baza jami'anta a sassan jihar domin tabbatar da bin doka da oda a jihar, kafin sallah da lokacin bukukuwan bayan sallar. ''Haka kuma an haramta duka nau'ikan hawan sallah a lokacin bukukuwan babbar sallah da ke tafe'', in ji sanarwar. 'Yan sandan sun ce sun ɗauki matakin ne sakamakon rahotonnin tsaro da suka samu da kuma tuntuɓar masu ruwa da tsaki a harkar tsaro, domin tabbatar da zaman lafiyar al'ummar ji...

Jun132024 by Bashir AhmedNo Comments

Wata nawa ake haihuwa

Gwajin Ciki

Sanin sanda zaki haihu abune me dadi. Ga bayanin masana ilimin kimiyyar lafiya kan lokacin haihuwa. Yayin da mutane mafi yawanci an fi sabawa da kirgen watanni idan aka zo maganar haihuwa, masana ilimin kimiyyar lafiya na amfani da kwanaki da makonnine. A cewar masana kiwon lafiya, cikakken daukar ciki har zuwa a haifeshi, makonni 40 ne, wanda yayi daidai da watanni 10. Nasan da yawa zasu sha mamaki da jin wannan bayani, to bari kuji abinda masana kimiyyar lafiya suka ce. Yawancin mata suna sanin suna da ciki ne bayan basu ga jinin al'adarsu ba, wanda a wannan lokacin kuma mace ta riga ta kai sati 4 da daukar cikin. To a wannan lokacin kuma saura sati 36 mace ta haihu, wanda shine yayi daidai da watanni 9, yanzu kun gane dalilin koh? Sanin ranar da zaki haihu, yawanci lik...

Jun132024 by Bashir AhmedNo Comments

Yawan fitsari ga mai ciki

Gwajin Ciki

Yawan fitsari ga mace me ciki ba matsala bane, alamace ta daukar ciki saidai idan yayi yawa, yakan iya zama cuta. Yawan fitsari na faruwa ne ga mace me ciki saboda yanda jikinta yake canjawa saboda shigar ciki da kuma shirin haihuwa. Yawan fitsari na daga cikin alamun farko na daukar ciki. Yawanci yawan fitsari na farawane a mako na 10 zuwa 13 bayan mace ta dauki ciki. Yawanci mata masu ciki kan yi fitsari sau 6 zuwa 10 a rana. Saidai idan ya wuce haka, yana iya zama na ciwo. Kalan fisarin mace me ciki yakan kara duhu, daga ruwan dorawa, watau Yellow zuwa me ruwan dorawa sosai ko kuma Dark Yellow. Idan mace me ciki ta ji fitsari, yana da kyau, kada ta rikeshi, ta je ta yi, saboda rike fitsari yana da illa ga mace me ciki da danta.

Jun132024 by Bashir AhmedNo Comments

Hukumar dake shirya gasar Euro wato (UEFA), ta bayyana wasu sabbabin dokoki guda uku da za a fara amfani da su a gasar ta bana wadda zata gudana a ƙasar Germany

Kwallon Kafa

Hukumar dake shirya gasar Euro wato (UEFA), ta bayyana wasu sabbabin dokoki guda uku da za a fara amfani da su a gasar ta bana wadda zata gudana a ƙasar Germany. Alƙalin wasa zai bayyana hukuncin da ya yanke kuma zaiyi bayanin hakan ga magoya baya ta hanyar sadarwar kunne kai tsaye (Headphones) Za a dinga bayar da bayanai kai tsaye zuwa ga masu sharhin wasa (Commentators) akan hukuncin alƙalin wasa bayan dawowar sa cikin fili daga ganin VAR domin a yiwa masu bibiyar wasan bayanin abun da ya faru kai tsaye. A kowacce ƙwallo za a saka na'ura wadda zata dinga fayyace wa alƙalin wasa satar gida da kuma batun taɓa ƙwallo da hannu a yadi na 18. Fagen Wasanni

Jun132024 by Bashir AhmedNo Comments

Addu’a ga mai ciki: Addu’ar saukin haihuwa

Addu'a, Gwajin Ciki

Wannan addu'a da zamu baku anan manyan malamai sunce sadidan ce, an gwada akan mata dake nakuda kuma an yi nasara: Saidai kamin mu baku wannan addu'a, ga bayani kamar haka: A binciken masana malamai na sunnah sun ce babu wata addu'a da aka ware wadda aka ce mace me ciki zata rika yi. Malamai sunce akwai dai hadisan karya da ake dangantawa da Annabi Muhammad (Sallallahu Alaihi Wasallam) akan addu'a ga mai ciki. Misali Akwai hadisin da aka ce, A lokacin da fatima(A.S) ta zo haihuwa, Ma'aikin Allah Annabi Muhammad (Sallallahu Alaihi Wasallam) yasa Umm Salamah da Zaynab bint Jahsh su zo su karanta mata Ayatul Kursiyyu, da kuma al-A‘raaf 7:54, Yoonus 10:3, da kuma falaki da Nasi, Saidai wannan hadisin karyane, domin karin bayani ana iya duba al-Kalim at-Tayyib (p. 161) na Ibn Taymiy...

Jun132024 by Bashir AhmedNo Comments

Iyalan Sheikh Ibrahim Nyass, sun yi kira ga Muhammadu Sanusi II yayi koyi da sawun Kakan sa Muhammad Sanusi l da aka cire ya hakura

Kano

Shugaban Darikar Tijjaniyya Mahi Nyass ya shawarci Lamido Sanusi da ya yi koyi da kakansa ta hanyar kin amincewa da kujerar sarautar Sarkin Kano. Sarki Sanusi shi ne jagoran kungiyar Tijjaniyya a Najeriya. An mayar da shi a matsayin Sarkin Kano a karshen watan da ya gabata bayan da Gwamnatin Jihar ta yi wa dokar masarautu gyara inda ta rusa masarautu hudu daga cikin biyar da ke Jihar tare da tube Aminu Ado Bayero a matsayin Sarkin Kano. Mista Ado Bayero dai yana kalubalantar tsige shi ne a gaban kotu, kuma yanzu haka yana zaune a karamar fadar Sarkin bisa kin amincewa da umarnin Gwamnatin Jihar. Sai dai kungiyar ta Islama a wata takarda mai dauke da kwanan watan 3 ga watan Yuni mai dauke da sa hannun babban shugabanta Mista Nyass ta bukaci Sanusi da ya ki amincewa da mayar da shi ...