Siyasa

Domin kawowa al'umma saukin rayuwa, Gwammatin tarayya ta sanar da shirin cire harajin VAT daga shigo da kaya da hukumar Kwastam ke karba akan kayan abinci na tsawon watanni 6. Gwammati zata dauki wannan mataki ne dan magance matsalar hauhawar farashin kayan abinci. Yanzu haka an aikawa shugaban kasa, Bola Ahmad Tinubu da rahoto kan wannan lamari dan ya duba ya saka masa hannu. Kayan da za'a cirewa harajin sun hada da kayan abinci, magunguna, abincin kaji, Fulawa da sauransu. Da yawan 'yan Najeriya dai na kukan tsadar rayuwa, abin jira a gani shine idan wannan mataki zai haifar da da me ido.

Jam'iyyar PDP ta bayyana cewa, bata tunanin hadewa dan yin maja da kowace jam'iyya. Hakan na zuwane yayin da ake tsammanin Atiku da Peter Obi zasu hade dan hada karfi su kayar da jam'iyyar APC. Hakanan a bangaren Labour party, shima kakakin kungiyar yakin neman zaben Peter Obi, Yunusa Tanko ya bayyana cewa Peter Obi baya tunanin hadewa da kowa dan samun karfi. Jam'iyyar PDP tace bata neman hadewa da kowa amma tana maraba da tsaffin membobinta wanda suke son dawowa cikinta. Kakakin PDP, Debo Ologbunagba ne ya bayyana hakan inda yace a rijistar da suke yi yanzu haka, mutane da yawa a matakin mazabu sai shiga PDP suke wanda hakan alamace ta cewa har yanzu PDP jam'iyyar Al'ummace.

Wani sabon rahoto da jaridar Punch ta yi ya bayyana cewa, Gwamnatin shugaban kasa, Bola Ahmad Tinubu na biyan Tallafin man fetur. Hakanan akwai tanadin biyan tallafin ma har na Naira Biliyan 5.4 da za'a biya nan da karshen shekarar da muke ciki. Hakan na kunshene a cikin wani daftarin kokarin fitar da Najeriya daga matsin tattalin arzikin da take fama dashi. Daftarin ya kunshi baiwa mutane da yawa 'yan Najeriya kudin tallafi da kuma kawo saukin farashin kayan masarufi da sauransu. Rahoton yace gwamnati ta kasa cire tallafin man fetur din gaba daya lura da yanda a yanzu haka ake tsaka da matsin tattalin arziki me tsanani. Wannan daftari za'a yi amfani dashi ne cikin watanni 6 masu zuwa. Gwamnatin Bola Ahmad Tinubu dai ta na ta ikirarin cewa ta cire tallafin man fetur amma...

Majalisar jihar Kaduna ta nemi a kama da hukunta tsohon gwamnan jihar, Malam Nasiru Ahmad El-Rufai da mukarrabansa saboda zargin lalata kudin jihar har Naira Biliyan 423. Kwamiti na musamman da aka nada yayi binciken mulkin tsohon gwamnan bisa jagorancin dan majalisa Henry Zacharia ya kammala binciken da mikawa majalisar sakamakon abinda ya gani. Kakakin majalisar, Yusuf Liman ya bayyana damuwa kan yanda yace ake zargin tsohon gwamnan da lalata Naira Biliyan 423. Sannan ana zargin El-Rufai da kuma bayar da kwagila ba bisa ka'ida ba da satar dukiyar jama'a da kuma aikata ba daidai ba. Rahoton kuma yace mafi yawancin kudaden da gwamnatin jihar ta ciwo bashi, ba'a yi amfani dasu yanda ya kamata ba.

Gwamnan Jihar Kano Alhaji Abba Kabir Yusuf Yace Ya Bada Umarnin Gyaran Dukkanin Hanyoyin Jihar Kano Sakamakon karatowar lokacin damuna a yanzu haka gwamnan jihar Kano ya bayar da umarni ga hukumar dake kula da titunan jihar Kano akan a tabbata duk wani titi daya samu fashewa ko zaizayewa a cikin birnin Kano a tabbatar an gyara shi domin samun nutsuwa ga masu ababen hawa. Wannan umarni da gwamnan ya bayar tuni ya fara aiki domin kuwa tuni hukumar ta KARMA ta fara aikin gyare-gyaren titunan da suka samu matsala.

Majalisar kasar Amurka ta amince da kudirin dokar da zai kakabawa kotun duniya takunkumi saboda hukuncin kama shugaban Israela kan kisan da yakewa Falas-dinawa. Wanda ke son a amince da wannan doka gida 247 ne sai kuma wanda basa so 155 ne wanda akan yasa kudirin ya zama doka. Dokar ta tanadi hana Visa da kuma sauran takunkumi ga duk wanda ke aiki da kotun da kuma wanda ke baiwa kotun kudin gudanarwa.

Wata hukumar dake saka ido akan farashin kudaden Duniya, Fitch Ratings ta yi hasashen cewa, farashin Naira zai kare akan 1,450 ne akan kowace dala har zuwa karshen shekarar 2024. Daraktan hukumar, Gaimin Nonyane ne ya bayyana hakan a wata tattaunawa da aka yi dashi kan Najeriya da kasar Misra/Egypt. Ya kara da cewa, har yanzu Naira bata daidaita ba akan farashi daya tun bayan da aka cire tallafin dala. Yace zuwa shekara me zuwa ma Nairar zata ci gaba da faduwa amma ba zasu iya bayyana a farashin da zata tsaya ba.

Rahotanni sun bayyana cewa, Gwamnonin Najeriya 30 sun kashe Naira biliyan dari tara da sittin da takwas, N986.64bn wajan shan kayan ruwa da alawus din taruka da tafiye-tafiye da sauransu. Watau dai wadannan kudade ba'a kashesu kai tsaye wajan yin wani aiki da zai amfani al'uma ba. An samo wadannan bayanai ne daga kundin tattara bayanan yanda gwamnati ke kashe kudaden kasa saidai babu bayanan jihohi 6, Benue, Imo, Niger, Rivers, Sokoto da kuma jihar Yobe. Bayanan sun nuna cewa jihohi 3 din sun kashe Naira Biliyan 5.1 wajan baiwa baki kayan ruwa watau lemu da ruwan sha da sauran kayan zaki. Sannan sun kashe Naira Biliyan 4.67 a matsayin Alawus ga ma'aikatan gwamnati. Jihohin sun kuma kashe Naira Biliyan 34.63 wajan tafiye-tafiye a cikin gida da kasashen waje hakanan kuma sun k...