Yakin gaza da isra'ila - Hutudole

Jun112024 by Bashir AhmedNo Comments

An kashe sojojin Isra’ila huɗu a Rafah

Rundunar sojin Isra'ila ta ce an kashe sojojinta hudu a Rafah da ke kudancin Gaza. A cewar wata sanarwa, sun mutu ne a lokacin da wani gini da aka maƙare da bama-bamai ya ruguje. Biyu daga cikin sojojin ƴan shekara 19 ne, wanda ya girme musu kuma yana da shekara 24. Sanarwar ta ƙara da cewa ƙarin wasu sojoji da dama kuma sun samu munanan raunuka. Kimanin sojojin Isra'ila 300 ne suka mutu tun bayan kaddamar da mamaya a Gaza. Yayin da yaƙin ya yi sanadin rasuwar Falasɗinawa 37,000, a cewar ma'aikatar lafiya ta Hamas.

Jun92024 by Bashir AhmedNo Comments

Ministan yaƙin Isra’ila ya sauka daga muƙaminsa

Labaran Falasdinawa, Labarin Yakin Gaza, Yakin gaza da isra'ila

Ministan yaƙi na Isra'ila, Benny Gantz ya fice daga cikin gwamnatin Netanyahu. Yayin da yake jawabi a wani taron manema labarai, Mista Gantz ya ce firaministan ƙasar Benjamin Netanyahu ya ƙi bari a samu abin da ya kira 'tabbatacciyar nasara' kan Hamas. Ministan ya ƙara da cewa dole ne Mista Netanyahu ya sanya ranar da za a gudanar da zaɓukan ƙasar. Tun a ranar Asabar mista Gantz ya yi niyyar gabatar da jawabin nasa, to amma sai ya jinkirta saboda kuɓutar da wasu Isra'ilawa da sojojin ƙasar suka yi a Gaza. Ficewar jam'iyyarsa daga gwamnatin, ba zai kawo ƙarshen gwamnatin ba, to amma zai ƙara matsin lamba kan mista Netanyahu kan sukar da yake sha a ciki da wajen Isra'ila. Dama dai tun cikin watan Mayun da ya gabata, Benny Gantz ya yi barazanar yin murabus daga majalisar yaƙin ...

Jun92024 by Bashir AhmedNo Comments

Sarkin Saudiyya gayyaci Falasɗinawa 2000 zuwa aikin Hajji

Labaran Falasdinawa, Labarin Yakin Gaza, Yakin gaza da isra'ila

Shugaban masallatan Harami, kuma sarkin Saudiyya, Salman bin Abdul Aziz Al Saud ya bayar da umarnin gayyatar ƙarin 'yan uwan Falasɗinawa 1,000 da aka kashe a Gaza a matsayin baƙinsa. Cikin wata sanarwa da shafin X na Haramain ya wallafa, sarkin ya bayar umarnin ƙarin gayyatar 'yan uwan Falasɗinawa ne domin halartar aikin hajjin bana. Dama dai tun da farko sarkin ya gayyaci wasu Falasɗinawan 1,000, inda a yanzu adadin Falasɗinawan da da aka kashe 'yan uwansu da sarkin ya gayyata ya kai 2,000.

Jun92024 by Bashir AhmedNo Comments

Masu zanga-zanga sun yi artabu da ƴan sandan Isra’ila

Labaran Falasdinawa, Labarin Yakin Gaza, Siyasa, Yakin gaza da isra'ila

Masu zanga-zangar ƙin jinin gwamnati sun yi taho mu gama da ƴan sanda, a daidai lokacin da ake gangamin a sassan Isra'ila kan kiran a kuɓutar da sauran waɗanda ke hannun Hamas. Sai dai mai magana da yawun sojin ƙasar,Rear admiral Daniel Hagari ya ce su na ƙoƙari kan batun. Ya ce dakarun Isra'ila sun ɗauki makwanni su na shirye-shiryen aikin nan, an ba su horo kan yadda za su kuɓutar da mutanenmu, ba za mu gaji ba har sai sauran sun dawo. Masu zanga-zangar su na sukar firaiminista Benjamin Netanyahu, wanda ke ganawa da iyalan waɗanda aka saka maimakon waɗanda ke cikin tashin hankali da rashin tabbacin ko nasu ƴan uwan za su dawo gida a raye.

Jun82024 by Bashir AhmedNo Comments

Majalisar Dinkin Duniya ta saka Kasar Israela cikin masu kisan kananan yara

Labaran Falasdinawa, Labarin Yakin Gaza, Siyasa, Yakin gaza da isra'ila

Majalisar Dinkin Duniya ta saka kasar Israela cikin kasashe masu kisan kananan yara. Hakan ya biyo bayan kisan sa kasar kewa Falas-dinawa a zirin gaza. Wakilin Israela a Majalisar Dinkin Duniya, Gilad Erdan ne ya bayyana haka. Inda yace an sanar dashi matakinne ranar Juma'a. Hakanan ministan harkokin kasashen waje na kasar Israela, Katz ya bayyana cewa, zasu dauki mataki kuma wannan abu da majalisar ta yi zai canja dangantakar dake tsakaninsu da Israela.

Jun62024 by Bashir AhmedNo Comments

Ji matakin da Kasar Iran tace zata dauka akan kasar Israela bayan da Israelan ta sake kai harin da ya kashe sojan Iran din

Labaran Falasdinawa, Labarin Yakin Gaza, Yakin gaza da isra'ila

A jiyane dai muka samu rahoton cewa, kasar Israela ta kai wani mummunan hari a garin Aleppo dake kasar Syria wanda yayi sanadiyyar mutuwar mutane da yawa ciki hadda me baiwa kasar Iran shawara akan harkar soji. A martanin kasar Iran kan harin, Kwamandan dakarun IRGC na kasar Salami ya bayyana cewa, Israela ta saurari harin ramuwar gayya. A baya dai, irin wannan harin ne Israela ta kai kan ginin ofishin jakadancin Iran wanda ya kashe wasu janarorin soja na Iran. Hakan yayi sanadiyyar harin ramuwar gayya akan Israela da Iran ta yi wanda ya baiwa Duniya mamaki kuma ya tayar da hankalin kasar Israela. A wannan karin dai ba'a san wane irin harin ramuwar gayyane Iran zata kai akan Israela ba.

Jun52024 by Bashir Ahmed1 Comment

Kuma dai: Kasar Israela bata daddara ba, ta sake kai harin da ya kashe sojan kasar Iran

Labaran Falasdinawa, Labarin Yakin Gaza, Tsaro, Yakin gaza da isra'ila

Rahotanni sun bayyana cewa, kasar Israela ta kai wani mummunan hari a birnin Aleppo na kasar Syria da kashe mutane da yawa ciki hadda wani sojan kasar Iran. Saidai zuwa yanzu, kasar ta Israela bata kai ga bayyana cewa itace ta kai harin ba. Wannan ne dai hari na farko tun bayan na 1 ga watan Afrilu wanda Israelan ta kai kan babban birnin Syria, Damascus wanda yayi sanadiyyar mutuwar sojojin kasar Iran. A wancan lokaci dai, kasar Iran din ta mayar da martani ta hanyar jefawa kasar Israela makamai da yawa wanda sai da kasashen Amurka, ingila da Faransa suka taru suka taresu. Wannan karin kuma ba'a san wane mataki ne kasar Iran din zata dauka akan wanan harin da Israelan ta kai mata ba.

Jun32024 by Bashir AhmedNo Comments

Kasar Yahudawan Israela ta ce ‘yan kasarta su fice daga kasar Maldives bayan da ta haramtawa Yahudawan shiga kasarta saboda kisan da sukewa Falas-dinawa

Labaran Falasdinawa, Labarin Yakin Gaza, Yakin gaza da isra'ila

Kasar Maldives ta hana Yahudawan Israela shiga kasarta saboda kisan da Israela kewa Falas-dinawa. Shugaban kasar, Mohamed Muizzu ne ya bayyana hakan a ranar Litinin. Jimullar Yahudawan Israela dubu 11 ne suka je kasar ta Maldives yawom shakatawa a shekarar data gabata. A matsayin martani ga wannan matakin na kasar Maldives, ministan harkokin kasashen waje na Israelan Israelan Oren Marmorstein yace duk 'yan kasarsu da suke kasar ta Maldives su fice.

Jun22024 by Bashir AhmedNo Comments

A karshe dai, ba dan yana so ba, Shugaban Israela, Benjamin Netanyahu ya amince da Tsagaita Wuta akan Falas-dinawa bayan Tursasawar kasar Amurka

Labaran Falasdinawa, Labarin Yakin Gaza, Yakin gaza da isra'ila

Rahotanni sun bayyana cewa, shugaban Israela, Benjamin Netanyahu ya amince da tsagaita wuta akan Falas-dinawa bayan tursasawar kasar Amurka. Rahoton yace, Israela ta amince da tsagaita wutarne a Yau, Lahadi. A ranar Juma'ar data gabata ne dai Shugaba Biden ya gabatar da tsarin na tsagaita wuta wanda Benjamin Netanyahu yayi watsi dashi. Saidai a yau ya amince. Hakanan akwai rahotannin dake cewa, itama kungiyar Hamas ta amince da tsarin, amma bata sanar da hakan a hukumance ba. Me baiwa Benjamin Netanyahu shawara kan harkokin kasashen waje, Ophir Falk ne ya bayyana hakan inda yace ba shiri bane me kyau amma suna son kubutar da duka mutane su dake hannun Hamas shiyasa suka amince dashi. Saidai ya nanata aniyarsu ta son ganin bayan kungiyar ta Hamas.

Jun22024 by Bashir AhmedNo Comments

Tsagaita wuta a Gaza: Ministocin Isra’ila sun yi barazanar ficewa daga gwamnatin Netanyahu

Labaran Falasdinawa, Labarin Yakin Gaza, Yakin gaza da isra'ila

Wasu Ministocin Isra’ila biyu masu tsatsauran ra’ayi sun yi barazanar ficewa daga gwamnatin hadin gwiwar ƙasar idan har Benjamin Netanyahu ya amince da tayin sabuwar yarjejeniyar zaman lafiya da shugaba Biden na Amurka ya gabatar. Yarjejeniyar da Mista Biden ya sanar ta samu karɓuwa daga ɓangaren ƴan adawa a Isra’ila da ƙasashe masu shiga tsakani. A ranar juma'a ne shugaba Biden ya yi tayin tsagaiwa wutar ta hanyar bullo da matakai uku, da suka haɗa da tsagaita wuta na mako shida a matakin farko. Tare da janyewar dakarun Isra'ila daga wurare masu yawan jama'a a Gaza. Sannan ya ce yarjejeniya za ta bayar da damar sakin Isra'ilawan da Hamas ke garkuwa da su da kuma tsagaita wuta na dindin tare da sake gina Gaza. To sai dai ministan tsaron Isra'ila Itamar Ben-Gvir, ya ce duk wa...