Fiye da ɗalibai miliyan 1.5 sun samu ƙasa da maki 200 a jarrabawar UTME ta 2025.
Daga cikin ɗalibai 1,955,069 da suka zauna jarrabawar UTME ta shekarar 2025, fiye da miliyan 1.5 daga cikinsu sun samu ƙasa da maki 200 a jarrabawar.
VANGUARD ta rawaito cewa rahoton kididdiga na sakamakon UTME na shekarar 2025 da Hukumar Jarrabawa ta JAMB ta fitar a ranar Litinin ya nuna cewa ɗalibai 420,415 kawai ne suka samu sama da maki 200 a wannan jarrabawar.
A yayin da ɗalibai 4,756 suka samu sama da maki 320, kimanin ɗalibai 7,658 ne suka samu tsakanin maki 300 da 319.