Wani matashi dan shekaru 18 ya dirkawa mata 10 ciki a cikin watanni 5.
Yaron an kaishi wajan wani dan kasuwane dan ya koya masa kasuwanci daga kauyensu a jihar Anambra, saidai watanni 3 da kaishi wajan me gidan nasa ya dirkawa diyar me gidan ciki sannan ya dirkawa dayar yarinyar shagon me gidan ciki itama.
Dalilin hakane me gidan ya tattara mai kayansa ya koreshi ya mayar dashi kauye.
Saidai watanni biyu bayan komawarsa kauyen, a camma ya dirkawa ‘yan mata 8 ciki.
Mahaifiyarsa ce da kanta ta kaiwa kwamishiniyar mata da walwala ta jihar, Ify Obinabo korafi inda tace dan nata ya zamar mata annoba da ta ganshi da mace sai ta ji gabanta na faduwa.
Kwamishiniyar matar tace ta sa yaron a gaba inda ta tambayeshi ko akwai wani magani da yake amfani dashi ne wajan yaudarar mata kamin su yadda dashi?
Yace ko daya, kawai yakan ce musu ne zai auresu idan ya samu kudi kuma yana sonsu sosai, sai su yadda dashi.
Tace kasancewar shekarun sa basu da yawa shiyasa abin ya kara rikita mata kai inda tace tana neman shawarar yanda zata yi da wannan yaron.