Gwamna Dauda Lawal na jihar Zamfara ya koka kan yadda ya kasa sarrafa gine-ginen tsaro a jihar.
Lawal ya ce ba shi da iko a kan shugabannin hukumomin tsaro a jihar, yana mai jaddada cewa suna karbar umarni daga manyansu.
Da yake jawabi yayin wani taron birnin tarayya na bikin ranar dimokuradiyyar Najeriya karo na 25 a Abuja ranar Laraba, gwamnan ya yi tir da ayyukan ‘yan bindiga a jihar.
A cewar Lawal: “Da sunan, ni ne babban jami’in tsaro na jihata amma idan ana maganar umarni da iko, ba ni da iko a kan duk wani jami’in tsaro na soja, ko ‘yan sanda ko na Civil Defence.
“Suna karbar umarninsu daga manyansu ba daga gwamnoni ba. Ba mu da wannan iko, ina fata muna da, da ya kasance wani labari na daban. “
Ya ce matsalar tsaro ba ta gyaru a jihar ba sakamakon katsalandan da ya bayyana a matsayin siyasa.
A cewar gwamnan, hukumomin tsaro na da dukkan abin da ya kamata na murkushe masu aikata laifuka a fadin kasar nan, idan har suna da ra’ayin siyasa
Daga: Abbas Yakubu Yaura