Gwamnatin Jihar Neja Ta Haramta Wa’azi Ba Tare da Lasisi Ba:
Gwamnatin Jihar Neja ta sanar da haramcin yin kowace irin wa’azi a fadin jihar tare da umartar cewa duk wanda ke son yin wa’azi sai ya mallaki lasisi daga hukumar kula da harkokin addini ta jihar.
Daraktan Hukumar Harkokin Addini ta Jihar Neja, Malam Umar Farooq, ya tabbatar da hakan a wata hira ta wayar tarho da jaridar Punch a ranar Alhamis. Ya bayyana cewa duk wani mai wa’azi ya kamata ya nemi lasisi daga nan zuwa cikin watanni biyu masu zuwa.
“Gaskiya ne, gwamnati ta haramta yin wa’azi ba tare da izini ba. Duk mai wa’azi dole ne ya mallaki lasisi tsakanin yanzu da watanni biyu masu zuwa. Abin da ake buƙata shi ne, su zo ofishinmu, su karɓi fom, su cike, sannan su fuskanci kwamiti da zai tantance su kafin a basu damar yin wa’azi,” in ji Farooq.
Sai dai babban Limamin Jami’ar Fasaha ta Tarayya, Minna, Sheikh Bashir Yankuzo, ya bayyana cewa gwamnati ba za ta iya hana wa’azi gaba ɗaya ba. “Wa’azi umarni ne daga Allah. Ba gwamnati ba ce ke biyan kowa albashi don yin wannan aiki. Mutane na yin wa’azi ne domin neman yardar Allah. Don haka gwamnati ba ta da ikon cewa wanene zai yi wa’azi da wanda ba zai yi ba. Amma idan akwai wanda ya ke amfani da wa’azi wajen haddasa rikici ko amfani da kalaman batanci, to gwamnati za ta iya ɗaukar mataki domin tabbatar da zaman lafiya,” in ji shi.
Shi kuwa Sakataren Kungiyar Kiristoci ta Najeriya (CAN) reshen Neja, Reverend Raphael Opawoye, ya ce kungiyar ba ta samu sanarwa kan wannan haramci ba tukuna. “Kungiyar CAN ba ta da masaniya a hukumance game da wannan mataki. Za mu fito da matsaya idan aka sanar da mu a hukumance,” in ji shi.
Haka kuma wani malamin addini, Ustaz Hassan, ya bayyana cewa wannan doka na bukatar ta bi matakan majalisar dokokin jihar kafin ta fara aiki.
A nasa bangaren, ɗan jarida kuma malamin addinin Musulunci da ke Minna, Ustaz Uthman Siraja, ya yi Allah wadai da matakin. “Haramta wa’azi tauye ‘yancin yin bauta ne da ‘yancin addini. Maimakon ha
Daga Magayaki Abubakar Ibeto