Shugaban kasa, Bola Ahmad Tinubu ya bayyana cewa, Matsalar tsaro da ta sha kan jami’an tsaron kasarnan ta saka fargaba da tsoro a zukatan mutane.
Yace Manoma na tsoron zuwa gona, ‘yan Kasuwa basu da tabbas akan tsaron rayukansu, sannan mutane an barsu da kare kansu.
Shugaban ya bayyana hakane a Abuja ranar Litinin wajan tattaunawa game da gyaran kundin tsarin mulkin Najeriya da canja fasalin harkar tsaron kasarnan wanda kwamitin dake kula da canja fasalin kundin tsarin mulkin Najeriya na majalisar tarayya ya shirya.
Shugaban ya bayyana muhimmancin samar da ‘yansandan jihohi wanda yace sune zasu taimaka sosai wajan kare kasarnan.
Shugaban ya bayyana hakanne ta bakin ministan Tsaro, Mohammed Abubakar Badaru wanda ya wakilceshi a wajan taron.