Author: Bashir Ahmed

An bayyana dan kasar Ghana, Daniel Nii Ayi Laryea a matsayin wanda zai hura wasan Najeriya da kasar Morocco. Sannan kuma wanda zai kula da Na'urar VAR an bayyanashi a matsayin dan kasar Afrika ta kudu. Hakanan Shima mataimakin Rafali dan kasar Afrika ta kudu ne https://twitter.com/i/status/2011053071351115857

Rahotanni sun bayyana cewa, sojojin Amurka sun kawo wasu kayan aiki Najeriya. Wannan hoton kayan da suka kawo ne. Saidai zuwa yanzu ba'a san ko wane irin kayane suka kawo ba. Kasar ta Amurka a sanarwar data fitar tace wannan kayan aiki ne na tallafi ta kawowa sojojij Najeriya dan inganta aikinsu. https://twitter.com/i/status/2011028079141871828

Gwamnatin tarayya ta kawo sabon haraji kan harkar Kiripto. Gwamnatin tace daga yanzu duk harkar Kiripto da za'a rika yi za'a rika biya mata Haraji. Ta bayyana cewa ta yi hakan ne lura da yanda harkar ta Kiripto ke kara habaka.

Tsohon Gwamnan Kano, Dr. Abdullahi Umar Ganduje ya bayyana cewa, yayi mamaki da ya ji Dr. Rabiu Musa Kwankwaso ya bayyanashi a matsayin makiyinsa. Yace, shi baya kallon Kwankwaso a matsayin makiyi. Yace ya kamata ace sun wuce wannan wurin, Yace a yanzu hadin kai a Kano na da matukar Muhimmanci. Yace yana kiran Kwankwaso ya hakura da siyasa ya sanyawa zuciyarsa ruwan sanyi. Ganduje ya kuma yiwa Abba maraba da zuwa jam'iyyar APC.

Wannan Filin kwallon Gwamnatin tarayya ne dake Surulere, jihar Legas. Ganin yanda ya lalace ya dauki hankula a kafafen sada zumunta. Da yawa sun yi kiran cewa, ya kamata a gyara Filin. https://twitter.com/i/status/2010938954531443133

Matar tsohon gwamnan Kaduna, Hajiya Hadiza Ismail El-Rufai ta bayyana amincewa da kalaman gwamnan jihar Katsina, Malam Dikko Radda. Dikko ya bayyana cewa babu wani jin dadi a zama gwamna, mutane na ganin kamar jin dadi suke amma a zahiri wahala suke sha. Ya kara da cewa ko da kasashen waje da suke zuwa, saidai ai ta taruka ba shakatawa suke zuwa yi ba. Hajiya Hadiza da take martani akan kalaman na Gwamnan Katsina, ta bayyana cewa, shima mukamin matar Gwamna haka yake. https://twitter.com/i/status/2010824002781028737

Me sharhi akan Al'amuran yau da kullun, Hamma, ya yi zargin cewa, kusan duk manyan ma'aikatun da ake samun kudaden shiga, Bayerabene ke shugabantarsu. Ya zano ma'aikatun kamar haka, CBN, NRS, Customs, NNPC da sauransu inda yace duka Yarbawa ne shuwagabanninsu. Ya bayyana cewa, a kowace kabila a Najeriya akwai kwararru, me yasa sai Yarbawa kawai ake baiwa mukami? https://twitter.com/i/status/2010977805069107473 i

Wani dan kasar Morocco ya tsaya a kusa da motar 'yan kwallon Najeriya, Super Eagles inda ya rika nuna kasarsu zata yi nasara akan Najeriya. Ya daga kyamararsa inda ya dakko Bidiyon Osimhen dake zaune a cikin motar, Osimhen ya daga masa hannu. Lamarin ya dauki hankula a kafafen sada zumunta. https://twitter.com/i/status/2010976372093583645

Wannan budurwar an kamata tana bi shagunan Aski dan daukar Gashin mutane da aka aske. Tace tana kaiwa matsafa(Yahoo) Boys ne tana sayar musu akan Naira Dubu 2 ko sama da haka. https://twitter.com/i/status/2010975556142084237

Shugaban kasa, Bola Ahmad Tinubu ya jagoranci tawagar Najeriya zuwa Wajan taron kasashen Duniya a Abu Dhabi kasar UAE. An ga tawagar Najeriyar a cikin fararen motoci a wajan taron. https://twitter.com/i/status/2010976673148088366