Duk Labarai

Maryam matar Tauraron Tiktok, Gfresh Al-amin ta bayyana fushinta game da ganin Yanda Gfresh da tsohuwar matarsa, Sadiya Haruna ke rugumerungumen juna. A wata Murya dake ta yawo a kafafen sada zumunta, an ji Maryam na cewa, kotu ce zata rabasu sannan kuma tace zata je ta ajiye masa dansa, Khalid. https://www.tiktok.com/@nuciescollection2/video/7575243635348868359?_t=ZS-91b1JFOupLE&_r=1 Hakanan a wani Bidiyo data wallafa a shafinta na Tiktok an ga Maryam na cewa Allah ya kawo mata dauki. https://www.tiktok.com/@maryamnikicminaj/video/7575057516871142676?_t=ZS-91b0naPe2C1&_r=1

Karamin Ministan tsaro, Bello Matawalle da a yanzu haka ke jihar Kebbi ya bayyana cewa bayanan sirri da suke samu sun tabbatar musu da cewa suna daf da inda daliban da aka sace suke. Yace sun baza jami'an tsaro a duk wata hanya da za'a iya bi dan guduwa da daliban. Sannan ya bayar da yakinin cewa nan ba da jimawa ba za'a kubutar da daliban. https://twitter.com/Imranmuhdz/status/1991986856465244651?t=oiEqSYq2kCEWkdwODzyHLw&s=19

Tsohon Sanatan Kaduna ta tsakiya, Sanata Shehu Sani ya baiwa Inyamurai baki kan hukuncin daurin rai da rai da akawa Nnamdi Kanu. Shehu Sani yace ba karshen rayuwa bane. Yace shi da tsohon shugaban kasa, Olusegun Obasanjo an taba musu daurin rai da rai amma gashi har sun kammala sun samu 'yanci. Ya bayyana hakane a shafinsa na X. https://twitter.com/ShehuSani/status/1991945260973400549?t=7_6BBMEhsOur3K7IGlYMlQ&s=19

Wani barawon Indomie, Usman Abdullahi dan shekaru 24 daga jihar Adamawa ya bayyana cewa 'yan matansa 3 da ya rabawa Indomie din daya sata babu wadda ta kai masa ziyara gidan gyara hali. Ya sha Alwashin rabuwa dasu duka da zarar ya fito daga gidan yarin. Ya bayyanawa mai shari'a wannan labari ne yayin da ake sakw duba shari'ar sa. A can baya dai an yanke masa hukuncin daurin shekaru 2 a gidan yari ne. Saidai a yayin ziyara dan rage yawan mazauna gidan yarin, an sake duba hukuncin da aka masa inda a yanzu aka sashi yin shara.

Mun Kama Sojojin Da Aka Tura Maga Amma Suka Bar Wurin Aikin Su Har Aka Sace Dalibai, Cewar Minista Matawalle Karamin Ministan Tsaro, Bello Matawalle, ya bayyana cewa an kama wasu dakarun soji da aka tura makarantar Maga a Jihar Kebbi domin bayar da tsaro, amma suka bar wurin a ranar da 'yan bindiga suka sace ɗalibai mata. Ministan ya ce ana gudanar da bincike don gano ainihin dalilin da ya sa suka bar makarantar a irin wannan lokaci mai haɗari. Ya ƙara da cewa: “Da zarar an kammala bincike, za a ɗauki mataki bisa ka’ida, kamar yadda dokokin soja suka tanada.” Har yanzu dai ana cigaba da fafutukar ganin an ceto daliban da aka sace.

Wata Kirista ta fito ta soki 'yan uwanta Koristoci inda tace sun san maganar da shugaban kasar Amirkar Donald Trump yayi ba gaskiya bace amma sun biye masa. Tace kamata yayi su fito su gyarawa Trump Kuskuren da yayi na cewa Kiristane kadai ake Khashewa amma sai suka rika murna da abinda ya fada. Tace Amurka idan ba kowa da kowa zata taimaka a Najeriya ta har taimakonta ba'a so. https://twitter.com/Aashfinn/status/1991899747544936561?t=Ib2aHvCJMljZywEmNJU4vw&s=19

Rahotanni sun tabbatar da cewa Gwamnatin tarayya ta kulle makarantun Unity Schools guda 47 saboda matsalar tsaro. Hakanan daga jihar Filato ma Gwamnatin jihar ta sanar da kulle dukkan marantu sai abinda hali yayi. A jihar Katsina ma an kulle dukkan makarantun Gwamnati sai abinda hali yayi. Hakan na zuwane biyo bayan hare-haren ds ake kaiwa babu kakkautawa kan makarantu. An kai irin wadannan hare-haren akan Makaranta a jihar Kebbi da Jihar Naija.

Rahotanni sun tabbatar da cewa, Karamin Ministan tsaro, Bello Matawalle ya koma Jihar Kebbi da zama kamar yanda shugaban kasa, Bola Ahmad Tinubu ya umarceshi. An ga Ministan ana masa fareti a yayin da ya isa jihar ta Kebbi. https://twitter.com/ChuksEricE/status/1991914433032147194?t=VBHlg9155qsnwtsAoetBmw&s=19 Hakan na zuwane bayan da aka sace daliban makaranta yara a jihar.

Sakataren ma'aikatar yaki ta kasar Amirka, Pete Hegseth ya bayyana cewa ya gana da me baiwa shugaban kasa shawara akan harkar tsaro na Najeriya, Malam Nuhu Ribadu. Yace zasu yi aiki tare dan kawo karshen Khisan Kyiyashi da akewa Kiristoci a Najeriya. Ya bayyana hakane a shafinsa na X. Saidai da yawa musamman Inyamurai basu ji dadin wannan labari ma inda su a sonsu basu so Gwamnatin Amurka ta saurari Gwamnatin Najeriya ba.

Lauyoyin Nnamdy Khanu sun je ofishin DSS inda suka nemi ganinsa, Saidai an gaya musu an mayar dashi gudan gyaran haki dake Sokoto. Saidai sun yi fatan cewa, za'a mayar dashi Abuja inda suke can ya fiye masa sannan hakan zai fi bashi damar kare kansa musamman yanzu da zasu daukaka kara. https://twitter.com/Imranmuhdz/status/1991910366381801539?t=ibpFnOcp7zvVYisNsn_Hyw&s=19