Kano

DAGA: Abbas Yakubu Yaura Tsòro ya mamaye tsòhon birnin Kano yayin da sarakunan biyu da ke hamayya da juna – Sarkin Kano Muhammadu Sanusi II da aka dawò dashi da Tsohon Sarkin Kano Aminu Ado Bayero da aka tsige suka bayyana shirinsu na yin sallar Juma’a a babban masallacin Juma’a na fadar Sarkin. Majiyar mu ta rawaito cêwa tuni mai martaba Sarki Malam Muhammadu Sanusi II, wanda ke zaune a fadar, kuma kusa da Masallacin da ake fafatawa, ana sa ran zai jagoranci sallar Juma'a raka'a biyu. Mai martaba Sarki Muhammadu Sanusi II zai jagòranci Sallar Juma’a a babban masallacin fadar a matsayin sarkin birnin, kamar yadda sanarwar ta bayyana. Sanarwar mai dauke da sa hannun Danburan Kanò, Munir Sanusi Bayero, ta bayyana matsayar Maimartaba Sarkin Kanò Muhammadu Sanusi II zuwa Masallacin...

Babban Alkalin Najeriya, Olukayode Ariwoola ya kira Alkalin babbar kotun tarayya dake Kano da alkalin babbar kotun jihar Kano kan Shari'ar masarautar Kano. Babbar kotun tarayya dake da zama a Kano ta bayar da umarnin sauke Muhammad Sanusi II daga kan kujerar sarautar Kano inda tace a mayar da sarki Aminu Ado Bayero. Saidai ita kuma babbar kotun Kano ta tabbatar da Sarki Muhammad Sanusi II a matsayin sarkin Kano inda tace a fitar da Sarki Aminu Ado Bayero daga Masarautar Nasarawa da yake zaune. Wannan lamari ya kawo rudani sosai inda aka rasa wane hukunci za'a yiwa biyayya. Babban alkalin na kasa ya kirasu alkalan Kanon ne inda yace zasu zauna dan tantance hurumin kowace kotu da kuma tabbatar da aka yin hukunci na bai daya. Sannan kuma Sanarwar tace za'a yi kokarin ganin iri...

Dan gidan me martaba sarkin Kano, Muhammad Sanusi II, Ashraf Sanusi ya bayyana cewa kamin ka samu wanda baya son mahaifinsa guda daya, sai ka samu mutum 10 dake sonsa. Dan haka yace wanda ke son mahaifinsa sun fi wanda basa sonshi yawa. Ya rubuta hakane a shafinsa na sada zumunta. Saidai an jawo hankalinshi kan cewa, ya daina biyewa makiya, kuma ya amsa da ya gode. "You hate him if he talks, you hate him if he’s silent, you hate him if he’s happy, you hate him if he’s asleep. It’s only God that can help you and your hate. But for every one of you there’s 10 of us supporting and loving him, you’re outnumbered and sadly you’ve already lost."

A jiya, Talata dai an samu hukunce-hukuncen kotu biyu masu karo da juna wanda daya na babbar kotun tarayya ce dake Kano data ce a sauke Sarki Muhammad Sanusi II saga sarautar Kano. Mai shari'a, S. Amobeda ne ya bayyana hakan a hukuncin daya fitar inda yace a mayar da Aminu Ado Bayero a matsayin sarkin Kano. Saidai itama babbar kotun Kano karkashin mai shari', Amina Aliyu tace Sarki Muhammad Sanusi II ne sarkin Kano inda kuma tace Sarki Aminu Ado Bayero ya daina bayyana kansa a matsayin sarkin Kano. Saidai duk da wannan hukunci, Sarki Aminu ya ci gaba da zama a karamar fadar dake Nasarawa inda yace ci gaba da ayyana kansa a matsayin sarkin Kano. Rahotanni sunce har yanzu akwai jami'an tsaro da aka girke a gidan Nasarawa wanda kuma suna hana ma mutane bin hanyar sai wanda ya zama...

Wasu alamu sun nuna cewa ga dukkan mai yiyuwa kwaikwakayar sa hannun babban alkalin kotun tarayya dake Kano aka yi aka fitar da hukuncin kotu na karya da yace a cire sarki Muhammad Sanusi II daga kan kujerar sarautar Kano. A wani bincike da Kafar Daily Nigerian ta yi, ta gano cewa sa hannun da aka gani a takardar data dakatar da sarkin ta banbanta da sauran sahannun da alkalin ya saba yi. Kuma a baya, Alkalin yakan saka hannu a duka takardun hukunci ne amma a na hukuncin da ya sauke sarkin, a takardar karshe ce kawai aka saka hannun. Hakanan kuma Akwai wanda ake tuhuma a takardar kotun su 8 amma cikinsu babu wanda baiwa kwafin takardar sai kwamishinan 'yansandan jihar kadai. Wannan yasa ake zargin cewa takardar ta boge ce.

Wata babbar kotu a Kano ƙarkashin jagorancin mai shari’a Amina Aliyu ta hana ‘yan sanda, hukumar tsaro ta farin kaya, SSS da sojojin Najeriya daga korar Sarkin Kano Muhammadu Sanusi II ko fitar dashi daga fadar Sarki. Majiyar mu ta a yau ta ruwaito Sarkin ne ya shigar da ƙara tare da majalisar masu naɗin sarakunan Kano su hudu: Madakin Kano Yusuf Nabahani; Makaman Kano Ibrahim Sarki Abdullahi; Sarkin Bai Mansur Adnan da; Sarkin Dawaki Maituta Bello Tuta. Menene ra'ayinku kan wannan turka-turka na sarautar Kano?

Wasu gamayyar lauyoyi da suka bayyana kansu a matsayin manyan lauyoyin Arewa sun baiwa Gwamnan Kano, Abba Kabir Yusuf awanni 48 ya sauke sarki Muhammad Sanusi II daga sarautar sarkin Kano. Lauyoyin sun fitar da wannan sanarwa ne a Abuja. Sun kuma bayyana cewa abinda gwamnatin Kano ta yi ya sabawa dokar kundin tsarin mulki da ma al'adar jihar Kano. Shugaban gamayyar wadannan lauyoyi, Barr. Umar Sadiq Abubakar Ya bayyana cewa cire Sarki Muhammad Sanusi II da aka yi a karin farko yana bisa ka'ida amma dawo dashi ya sabawa ka'ida kuma hakan na iya kawo rudani a jihar. Lauyoyin sun zargi gwamna Abba da kin yiwa dokar data hana dawo da sarki Muhammad Sanusi II biyayya. Sun ce idan Gwamna Abba bai janye matakan da ya dauka na dawo da Sarki Muhammad Sanusi II ba da kuma mayar da ...

Babbar Kotu tarayya dake da zama a Kano tace a fitar da Sarki Muhammad Sanusi II daga gidan Sarki dake Kofar Kudu Kotun ta kuma ce a hukuncin da ta fitar yau, Talata, a mayar da Sarki Aminu Ado Bayero kan kujerar mulkinsa sannan a bashi dukkan abubuwan da doka ta bashi na sarauta. Alkalin kotun, S.A Amobeda ya bayyana cewa an yanke wannan hukunci ne dan amfanin al'ummar Kano da zaman lafiyar jihar.

Mai martaba Sarkin Kano Alh Aminu Ado Bayero ya karbi bakuncin yan Majalisar dokoki na Jahar kano tsagin jam’iyyar APC, sun kawo ziyara tare da jaddada mubayi’ar su. Ran sarki ya dade. Hon Sageer Tarda Ungogo

Rahotanni sun bayyana cewa, ranar Litinin an ji karar harbin bindiga a kusa da karamar fadar sarkin Kano dake Nasarawa. A nan ne dai Sarki Aminu Ado Bayero yake zaune inda ya kafa fadarsa bayan da aka saukeshi daga sarautar Kano. Rahoton Premium Times yace an yi harbinne dan hana kama Aminu Ado Bayero wanda kotu ta bayar da umarnin fitar dashi daga fadar ranar Litinin. Wannan harbi da aka yi yasa mutane suka rika canja hanya suna komawa da baya. Rahoton yace ba'a tabbatar da ko jami'an tsaro ne ko masu tsaron fadar bane suka yi harbinba.