Yakin gaza da isra’ila

Kasar Maldives ta zama ta farko data hana mutanen kasar Israela shiga kasarta saboda kisan da sukewa Falas-dinawa. Yakin da kasar Israela take yi da Falasdinawa dai ya fara jawo mata Allah wadai har ma daga manyan kasashe. Kasa ta baya-bayannan data dauki mataki akan kasar Israela itace kasar Faransa wadda ta hana kasar ta Israela halartar taron bajakolin makamai mafi girma a Duniya.

Kungiyar Hezbollah ta kasar Lebanon ta sanar da kaiwa babban makamin da kasar Israela take ji dashi wajan tare makaman da ake aika mata me suna Iron Dome. Hezbollah tace ta aikawa Iron Dome bamabamai ne wanda ya lalatashi da kuma kashe ko kuma raunata sojojin dake kula dashi.

Shugaban Amurka Joe Biden ya ce ana bukatar hanyar sasanci domin kawo karshen yakin yankin Gabas ta Tsakiya, ciki har da daidaita lamurra a kan iyakar arewacin Lebanon. Mista Biden ya ce akwai bukatar shugabannin Falasdinawa da na Isra'ila su hada kai domin sake gina Gaza, ta yadda ba za a bar Hamas ta sake mallakar makamai ba. ''Amurka za ta tallafa wajen sake gina makarantu da asibitocin Gaza'', in ji Biden. Ya kara da cewa shirin zai taimaka wajen sake daidaita lamurran dangataka da Saudiyya da magance barazanar Iran a yankin. Mista Biden ya kuma gabatar da kudurin da zai bai wa Isra'ila damar zama mai karfi a yankin.

Rahotanni sun bayyana cewa, kasashen Larabawa sun dauko alwashin ba zasu sake barin Falas-dinawa au mallaki makamai ba bayan an gama yaki tsakaninsu da Israela. Hakan na zuwa ne yayin da ake tsammanin za'a cimma yarjejeniyar tsagaita wuta tsakanin Israela da Kungiyar Hamas. Saidai abin tambaya anan shine, anya kasashen Larabawan zasu iya aikata hana Falas-dinawa mallakar makamai? Dalili kuwa shine a yanzu gashi ana ta kashesu babu kasar Larabawan data shigar musu ko ta tsaya musu, an zura ido ana kallo Israela na musu kisan kare dangi, ta yaya zasu yadda a hanasu mallakar makamai bayan sun san duk randa Israela ta sake far musu da yaki babu me tare musu? Wannan dai abune me kamar wuya.

Shugaba Biden na Amurka ya yi kira ga Isra'ila da Hamas su amince da sabuwar yarjejeniyar tsagaita a yakin da suke yi tsakaninsu. Yarjejeniyar za ta sa jami'an Isra'ila su tsagaita wuta ta tsawon mako shida, sannan Hamas ta saki Isra'ilawan da ta yi garkuwa da su - a kuma saki Falasdinawan da ake tsare da su a gidajen yari a Isra'ila. Yarjejeniyar ta yi tanadin Isra'ila za ta janye daga yankunan Gaza sannan ta kyale a rika shiga da kayayyakin agaji. Yayin da za a a ci gaba da tattaunawa, yarjejeniyar za ta ci gaba da aiki har a kai ga sakin duka wadanda aka yi garkuwa da su. Daga nan dakarun Isra'ila su fice daga Gaza Falasdinawa su koma gidajensu su ci gaba da rayuwa.

A karin farko, Kasar Faransa ta zama kasar Turai ta farko data kakabawa kasar Israela takunkumi kan kisan kiyashin da takewa falasdinawa. Faransar ta hana kasar Israela hakartar bikin nuna makamai da za'a yi ranar 17 zuwa 21 ga watan Yuli. Bikin dai shine bikin nuna ko kuma bajakolin makamai mafi girma a Duniya wanda aka sakawa sunan Eurosatory 2024. Wannan mataki na zuwane bayan da kasar Israela ta ki bin umarnin kotun Duniya na daina kashe Falasdinawa. Hakanan kasashen Duniya da yawa na ta Allah wadai da kasar kan kisan da takewa Falas-dinawan. Sannan kuma wannan mataki zai iya zama gargadi ga kasar ta Israela ta canja salo ko kuma akwai yiyuwar wasu sauran kasashen Turawa suma su saka mata takunkumo.

Dan majalisar kasar Faransa, Sébastien Delogu ya daga tutar Falas-dinawa a farfajiyar majalisar yayin da ake zaman zauren majalisar. Dan majalisar yace kasarsa ta Faransa na da hannu a kisan kare dangin da Israela kewa Falas-dinawa ta hanyar sayarwa da Israelan makamai. Yayi kira ga shugaban kasar, Emmanuel Macron da ya daina sayarwa da Israela makamai. https://twitter.com/sahouraxo/status/1795457671119688144?t=h0iwUNItfTYrx_DDpFfIbA&s=19 Saidai an dakatar dashi sannan aka bashi dakatarwar kwanaki 15. Saidai bayan dakatar dashi, Dan majalisar ya shiga cikin masu zanga-zangar goyon bayan kasar ta Falas-dinawa a kan titi: https://twitter.com/sahouraxo/status/1795788298402557952?t=QXi2U6P3vslbvkahEq1zIA&s=19 Saidai a wani lamari kuma na ban mamaki, shine, kaka...

Kasar Yahudawan Israela ta sanar da kashe mata sojoji 3 a ci gaba da yakin da take da Falas-dinawa. Rahotanni sun ce an kashe sojojinne a Arewaci da kudancin gaza a jiya.

Mutane akalla 200 ne suka fito a kasar Mexico inda suke nuna rashin jin dadi kan kisan da kasar Israela kewa Falas-dinawa. Mutanen sun yi arangama da jami'an tsaro inda suka rima jefawa jami'an tsaron duwatsu da wuta da suka kunna a tsumma. https://twitter.com/Megatron_ron/status/1795769204068491650?t=8ik7IoPGe4o8qQNpnKQYmA&s=19 Saidai jami'an tsaron suma sun rika jefawa masu zanga-zangar barkonon tsohuwa da kuma duwatsu.

Kasar Saudiyya ta yi Allah wadai da kisan da kasar Israela kewa Falas-dinawa. Ta bayyana cewa Israelan nawa Falas-dinawan kisan kare dangi. Israela ta kashe mutane akalla 21 a harin data kai kan al-Mawasi dake Rafah. Hakan ya zo ne bayan da ta kashe mutane sama da 40 a harin data kai kan wani sansanin a Rafah ranar Labadi. Ma'aikatar harkokin waje ta Kasar Saudiyya tace Israela ce ke da alhakin koma menene ke faruwa a Rafah. Kuma ta yi kiran kasashen Duniya da su dauki matakin hana wannan kisa da Israela kewa Falasdinawan.