Hutudole

'Yansanda a jihar Legas sun kama wata budurwa me suna Victoria Effiong, inda aka kaita kotu bisa zargin ta cinyewa saurayinta kudi da sauran kaya amma taki yadda ta aureshi. Jimullar kudaden d Victoria ta karba a hannun saurayin nata sun kai Naira miliyan 2.8. Jami'in dansanda dake gabatar da kara a kotun magistre dake Legas, Inspector Chinedu Njoku ya bayyana cewa, budurwar ta kuma samu wayar iphone da kudinta ya kai Naira 240,000 daga wajan saurayin. Sannan ya sai mata agogo da kayan sawa da jaka da takalma da suka kai na Naira 350,000. Sannan ya bata jimullar kudin abinci na naira 868,000. Akwai kuma wata Naira 300,000 data taba cirewa daga asusun ajiyarsa na banki. Lamura sun rinchabene bayan da saurayin nata me suna Dominic Asuquo ya gano tana shirin auren wani can ...

Wasu matasa da aka kama da zargin Luwadi an jasu a tsakiyar titi aka kunyatar dasu. Bidiyon faruwar lamarin ya watsu sosai a kafafen sada zumunta inda aka gansu ana dukansu. https://twitter.com/phspecials/status/1842825091660317055?t=C06w-Tzxi8QRi1-xNT2wVA&s=19 Lamarin dai ya jawo cece-kuce inda wasu dake kare lamarin luwadi da Madigo suke kukan cewa bai kamata a dakesu ba.

Muhammad Ɗan Liti Dan Agajin izala reshen Jos da ya taso daga karamar hukumar Maiha zuwa Jimeta domin halartar wa'azin ƙasa wanda ya gudana a jiya Asabar. Dan Agajin ya taso ne tun a ranar alhamis ɗin data gabata ne da keken sa, wanda ya ya yadda zango a garin gombi domin hutu da cin abinci. Matashin ya bayyana cewa "ya iso cikin garin Jimeta ne a jiya a Asabar, ya kuma ƙara da cewa ya yi wannan tafiyar ne saboda yanayin da ake ciki na tsadar kuɗin mota". Domin idan a mota ne zan kashe kuɗin da bai gaza 15,000 ba kuma bani dasu a hakan yasa nayi amfani da abinda nake dashi domin halartar wannan wa'azi. Babban abinda ya sa ni zuwa wannan wa'azi shine inada buƙatar sake sayan wasu kayyaki na kayan agaji da kuma sauraren wa'azi, daga cikin kayayyakin da ya ambata a ciki akwai hula...

Gwamnan jihar Akwa-Ibom, Umo Eno ya sanar da diyarsa Helen a matsayin wadda zata zama first Lady a jihar bayan mutuwar matarsa, Pastor Patience Eno. Ya bayyana hakane a yayin da tawagar matar shugaban kasa, Remi Tinubu ta kai masa ziyarar ta'aziyyar rashin da yayi. Ya bayyana cewa, yana da yakinin diyar tasa zata iya rike wannan mukami yanda ya kamata. Yace zata yi aiki tare da mataimakinsa da kuma kwamishiniyar harkokin mata ta jihar.

Tsohon hadimin shugaban kasa,Malam Bashir Ahmad ya bayyana cewa, Peter Obi yafi Dr. Rabiu Musa Kwankwaso a siyasance. Muhawara dai ta kaure a kafafen sada zumunta bayan da Kwankwaso yace yafi Peter Obi tasiri a siyasa inda yace amma duk da haka zai iya zama mataimakinsa. Saidai wannan jawabi nashi ya jawo cece-kuce inda wasu ke cewa hakane wasu ke cewa basu yadda da maganar tashi ba. Tsohon hadimin shugaban kasa, Malam Bashir Ahmad ya bayyana cewa Yana girmama Kwankwaso amma maganar gaskiya a siyasance musamman lura da sakamakon zaben shekarar 2023, Peter Obi yafi Kwankwaso. Kwankwaso dai ya samu kuri'u 1,496,687 wanda kuma a jihar Kanone kawai ya shiga gaba amma Peter Obi ya samu kuri'u 6,101,533 inda kuma ya shiga gaba a jihohi 11.