Author: Bashir Ahmed

Tauraruwar Tiktok, Nafisa Ishak ta koka da cewa sabon kalubalen da suke fuskanta shine wai Breziya ta kai dubu bakwai. Ta bayyana hakane a shafinta na Tiktok inda tace 'yan mata su rika amfani da leda. Tace kwanannan za'a fara ganin 'yan mata babu rigar nono: https://www.tiktok.com/@nafisa_ishak/video/7543269637975248146?_t=ZS-8zErVYbNeFs&_r=1

Matar tauraron Tiktok, Gfresh Al-amin ta dauki hankula sosai saboda rawar da ta yi a shafinta na Tiktok. Matar ta yi rawa sosai inda aka ga tun tana zaune sai da ta tashi tsaye. https://www.tiktok.com/@maryamnikicminaj/video/7542982337257082132?_t=ZS-8zEpbHO9sDh&_r=1 Da yawa dai sun rika fadin itama ta zama irinsa.

Kotu a kasar Equatorial Guinea ta daure dan shugaban kasar me suna Ruslan Obiang Nsue saboda sayar da jirgin shugaban kasar. An masa daurin shekaru 6 ne a ranar 26 ga watan Augusta na shekarar 2025. Saidai yana da zabin ya biya takarar $255,000 maimakon daurin gidan yarin.

Bidiyo ya bayyana dake nuna cewa, a watan Yuni an bayyana yanda aka sace karafan dake rike da titin jirgin kasan Abuja zuwa Kaduna amma ba'a dauki mataki ba. A jiya ne dai jirgin kasan yayi hadari inda mutane 6 suka jikkata sannan wani mutum daya ya rasu kamar yanda rahoton ya nunar. A Bidiyon an ga yanda wani ke nuna karafan jirgin kasan a kwance babu wani karfe dake rike dasu. https://twitter.com/SasDantata/status/1960709922456240269?t=1GmcdDRXOxRusyElFRE9HQ&s=19

Yau Jihar Jigawa Take Murnar Cika Shekaru 34 Da Kirƙirar Ta, Inda Ayyukan Tsohon Gwamna Sule Lamido Suka Karaɗe Kafofin Sada Zumunta Musamman A Tsakanin 'Yan Jihar Ko kuma kuna da Gwamnan da kuka fi tunawa da shi a jiharku a lokacin irin wannan ranaku? Daga Abubakar Shehu Dokoki

Shugaban kasa, Bola Ahmad Tinubu ya bayyana cewa, yasan Gyare-Gyaren tayar da komadar tattalin arziki da yake yi sun jefa 'yan Najeriya a rayuwar wahala. Yace amma maganar gaskiya gyaran ya zama dole kuma nan gaba za'a ga amfaninsa. Shugaban ya bayyana hakane a yayin ganawar da yayi da 'yan Najeriya mazauna kasar Brazil inda ya nemi hadin kansu wajan ciyar da Najeriya gaba. Ya kuma nemi a hada kai dan zaman lafiya da kawo ci gaba ga Najeriya.

Farfesa Usman Yusuf ya bayyana cewa, Kaso 80 na matsalar Najeriya gwamnoni ne. Yace Gwamnonin basa gayawa shugaban kasa, Bola Ahmad Tinubu gaskiya. Yace shugaba Tinibu yace ya basu kudin tallafi a saukakawa mutane rayuwa amma babu abinda suke yi. Yace akwai yunwa a Najeriya inda yayi kira ga shugaban kasar yayi wani abu. Farfesa ya bayyana hakane a wata hira da Trust TV ta yi dashi. https://twitter.com/NigeriaStories/status/1960341287711719707?t=rU-5mlNrWyWoqRkTOwYbTw&s=19

Dan siyasa, Shaibu Gwanda Gobir ya fallasa yanda yace Turawa ke satar danyen man fetur daga Najeriya fiye da wanda Gwamnatin Najeriyar ke samu. Yace ya je inda ake hako man fetur amma aka hanashi karasawa ainahin inda ake fitar da man. Yace shugaban wajan ya kawo masa makudan kudade yace ya karba ya hakura da maganar zuwa ya gani dan kuwa idan yace sai ya je ya gani za'a iya kasheshi. Yace baturen dake aiki a wajan ya gaya masa cewa ko turawa nawa za'a kashe sai an sake kawo wasu saboda irin man fetur din da suke samu ta barauniyar hanya ya kai kusan ganga Miliyan 5 a yayin da Gwamnati kuma ke samun ganga Miliyan 2. https://twitter.com/AM_Saleeeem/status/1960465128756851014?t=jRQzQrw4Rr2PfNmTvTutxA&s=19

Babbar Kotun tarayya dake Lagos ta kwace hannun jari da darajarsa ta kai Naira Miliyan 246 daga hannun tsohon soja wanda ya rike hukumar kula da kadarorin hukumar sojojin Najeriya, NAPL watau Major-General U.M. Mohammed (Retd.). Mai shari'a, Justice Chukwujekwu Aneke ne ya bayyana hakan inda yace a wallafa maganar a gidajen jaridu inda yace kwace kadarorin na wucin gadi ne dan haka suna kiran duk wanda yake da hujjar da zata hana a kwace kadarorin dindindin yayi magana. A sabuwar shari'ar da aka yi wadda mai shari'a, Justice Dehinde Dipeolu yayi hukunci, yace a yanzu an kwace hannun jarin dindindin daga hannun tsohon sojan.

Malamin Addinin Islama, Sheikh Musa Asadussunnah ya gargadi yankin Arewa da cewa a taso a goya masa baya ka yunkurin da yake na a yi sulhu da 'yan Bindiga. Malam yace zaman lafiya suke neman a kawo. Ya kuma kara da cewa, amma idan ba'a zo aka goya musu baya ba, nan gaba bala'in da za'a gani yafi wanda ake cikinsa. https://www.tiktok.com/@hassanahmadtsakuwa/video/7543030471500860678?_t=ZS-8zDnV2lUKNk&_r=1