Author: Bashir Ahmed

Tsohon Dakta Janar na yaƙin neman zaɓen Shugaban Ƙasa Bola Ahmed Tinubu a jihar Zamfara Sanata Kabiru Marafa ya fice daga jam'iyyar APC. Tsohon Sanatan ya bayyana cewa watsi da waɗanda suka taimaki shugaba Tinubu na daga dalilin da yasa ya fice daga jam'iyyar. Wane fata zaku yi masa? https://twitter.com/Imranmuhdz/status/1961314229559951402?t=a6UUyHaZzHPEwDWCm_jwkg&s=19

Me kamfanin sayar da motar Manga Motors ya sha Alwashin baiwa Nafisa Abdullahi data lashe gasar Turanci ta Duniya kyautar Naira 500,000. Hakan na zuwane bayan da gwamnatin tarayya ta baiwa Nafisa Abdullahi kyautar Naira 200,000 wanda hakan ya jawo cece-kuce. Da yawa dai na ganin kudin da Gwamnatin tarayya ta baiwa Nafisa sun yi kadan matuka musamman lura da cewa kwanannan aka baiwa 'yan kwallo mata kyautar dala $100,000 kowannensu.

Rahotanni sun bayyana cewa, tsohon shugaban kasa, Goodluck Jonathan ya musanta rahoton dake cewa ba zai tsaya takarar shugaban kasa ba a shekarar 2027. Tsohon shugaban kasar ya bayyana hakane ta bakin dan uwansa, Azibaola Robert inda yace Jonathan bai ce zai tsaya takarar shugaban kasa ba ko ba zai tsaya ba. Hakan na zuwane yayin da PDP ke cewa tana son tsayar da ko dai Goodluck Jonathan ko Peter Obi takarar shugaban kasa a 2027. Rahotanni sun ce tuni Goodluck Jonathan ya fara tuntubar manyan mutane a kasarnan kan tsayawa takarar shugaban kasar.

Rahotanni sun bayyana cewa, matatun man fetur na kasashen Turai sun fara kullewa saboda kafuwar matatar man Dangote da kuma yanda kasashen Afrika suka koma sayen man fetur a hannun matatar man ta Dangote maimakon sayowa a kasashen turai. Rahoton ya bayyana cewa a baya kamin zuwan matatar Dangote, matatun man kasashen Turai na samar da man fetur ganga miliyan 4.207 amma yanzu saboda zuwan matatar man fetur din Dangote, ganga Miliyan 4.104 suke fitarwa. Hakan ya farune sanadiyyar rufewar matatun man fetur irin su, Grangemouth refiner dake Scotland, da Prax’s da sauransu.

Babban malamin Addinin Islama, Sheikh Sani Yahya Jingir ya bayyana cewa, 'yan Darika sun ji kunya, Sun yi rawa a wajan Maulidi. Ya bayyana hakane a wani Bidiyo da aka ganshi yana wa'azi. Malam ya nanata cewa, Maulidi bashi da Asali a addini. https://www.tiktok.com/@i_am_saeed01/video/7543574023129615622?_t=ZS-8zHMj7MJAuX&_r=1

Attajirin Najeriya, Aliko Dangote na da kasuwanci kala 17. Ga jerinsu kamar haka: Automotive - Kayan MotociCement manufacturing - SimintiEnergy - MakamashiFertilizer - Takin ZamaniLogistics - Kayan amfanin yau da kullu Infrastructure - Raya kasaMaritime - Sufurin TekuMining - Hakar ma'adanaiPetrochemicals - Matatar maiPolysacksReal Estate - Harkar GidajeRefineryRice farming - Noman Shinkafa Salt & seasoning - Gishiri da MagiSugar refining - SukariTomato farming - TimatiriTraining academy - Makaranta.

Shugaban kasa, Bola Ahmad Tinubu ya bayyana cewa, ya ji dadin dawowa Najeriya daga ziyarar da ya kai kasashen Japan da Brazil. Shugaba Tinubu ya bayyana hakane ta shafinsa na sada zumunta inda yace daya daga cikin aikin da 'yan Najeriya suka bashi a shekarar 2023 shine na kulla hadaka da kasashen Duniya dan kawo ci gaba. Shugaban yace a ziyarar da ya kai kasashen Brazil da Japan Najeriya ta kulla yarjejeniya da kasashen a fannonin kudi, sufuri, kimiyya da fasaha da sauransu.

Shugaban kamfanin NNPCL, Bayo Ojulari ya bayyana cewa, Rayuwarsa data sauran ma'aikatan kamfanin na cikin hadari. Yace ana barazanar saukeshi daga kan mukaminsa, inda yace laifinsa kawai shine kyaran da ya kawo a harkar mai a kasarnan kamar yanda shugaban kasa, Bola Ahmad Tinubu ya bashi umarni. Ya bayyana hakane a Abuja yayin da kungiyar ma'aikatan man, PENGASSAN ta kai masa ziyara bisa jagorancin shugabanta, Comrade Festus Osifo. Yace suna kokarin ganin an gyara matatun man fetur din Najeriya sun dawo aiki yanda ya kamata.

Matar gwamnan jihar Borno, Dr. Falmata Babagana Zulum ta karrama Faiza Abdullahi wadda karamar ma'aikaciyace dake daukar Albashin Naira dubu 30 bayan da ta mayar da Naira Miliyan 4.8 ds aka tura mata bisa kuskure. Hakanan matar gwamnan ta bata kayan abinci da sauran kyautuka. Faiza dake aiki a jami'ar Maiduguri, UNIMAID ta bayyana cewa ta mayar da kudin da aka tura mata ne saboda tsoron Allah.