Duk Labarai

'Yan Najeriya sun fada duhu biyo bayan sake samun matsala da wutar lantarkin kasar ta yi. Wannan shine karo na 3 da wutar lantarkin kasar ke samun matsala a shekarar 2024. Da Misalin karfe 1:50 pm. Na ranar Talata ne wutar lantarkin ta sake samun matsala. Kamfanin kula da wutar na kasa,TCN ya tabbatar da hakan amma yace ba gaba daya wutar bace ta samu matsala. Kakakin hukumar, Ndidi Mbah ne ya tabbatar da hakan inda yace injiniyoyinsu na aiki tukuru dan dawo da wutar. Ya kara da cewa An samu dawo da wutar a babban birnin tarayya Abuja kuma suna kokarin dawo da ita a sauran jihohi.

Shahararren dan daundu, Bobrisky wanda ya sha dambarwar kame daga hukumomin Najeriya amma daga baya ya samu tsallakewa zuwa kasar waje ya sake bayyana. Ya wallafa hotunan Bidiyo yana wasa da dalolin Amirka. https://twitter.com/Chrisvlognation/status/1853869625794302249?t=oy2yERZfQhy_nqkrTmyhlw&s=19 Wani har ya tsokaneshi da cewa aro kudin yayi amma ya mayar masa da martanin cewa a Najeriya ne ake iya yin haka amma banda kasar waje. Bobrisky ya kara da cewa, Wani masoyinsa ne ya bashi wadannan kudade.

Jami'in hukumar tsaro ta NSCDC Opatola wanda ba'a dade da karawa mukami ba ya yanke jiki ya fadi ya mutu jim kadan bayan an biyashi Albashi. Yana aiki ne a Iwo kuma ya mutu ne bayan da ya shiga ban daki kamar zai biya bukatarsa. Wasu shaidu sun bayyanawa jaridar The Nation cewa mutumin ya je wajan aiki lafiya kalau a ranar da ya mutu. Abokan aikinsa sun ce sun ga Albashinsu suna korafi akai jim kadan kawai aka ce ai ya mutu.

Tsawa ta fada akan dan wasa a yayin da ake tsaka da buga kwallo a Peru inda dan kwallon ya mutu wasu hudu kuma suka jikkata. Dole wannan dalili yasa aka dakatar da wasan. https://www.youtube.com/watch?v=YmJeI0LEI00 Wanda ya mutu din an bayyanashi da Hugo De La Cruz dan kimanin shekaru 39.

Gwamnan jihar Kano,Abba kabir Yusuf ya isa gida da yaran da Gwamnati ta yiwa afuwa bayan da aka zargesu da cin amanar kasa. Mataimakin shugaban kasa, Kashim Shettima ne ya damka masasu.

Tsohon Shugaban Kasa, Muhammadu Buhari Ya Ziyarci Birnin Maiduguri Domin Yi Wa Al'ummar Jajen Ibtila'in Ambaliyar Ruwa Da Ta Faru A Kwanakin Baya, Yau Litinin. Daga Jamilu Dabawa

Mataimakin Shugaban Kasar Najeriya, Sen. Kashim Shettima ya jagoranci bayar da Matasa yan asalin Jihar Kano zuwa ga Wakilan Jihar Kano a Gwamnatin Tarayya wanda suka hada Shugaban kwamitin kasafin kudi na Majalisar Tarayya, Hon. (Dr. Abubakar Kabir Abubakar Bichi, Mataimakin Shugaban Majalisar Dattijai Sanata Barau I Jibril da Gwamnan Jihar Kano, Alhaji Abba Kabir Yusuf domin dawowa dasu wajen Iyayensu.

Shugaban kasa, Bola Ahmad Tinubu ya yiwa sabon shugaban sojojin kasa, Major General OO Oluyede karin mukami zuwa mukamin Lieutenant General. Ministan tsaro Badaru Abubakar na daga cikin wadanda suka halarci wajan wannan karin mukami.

An ga wani bidiyo dake yawo a kafafen sada zumunta inda aka ga gwamnan jihar Kano, Abba Kabir Yusuf ya baiwa Tsohon gwamnan jihar, Rabiu Musa Kwankwaso kujerar da yake zaune dan ya zauna. Hakan na zuwane yayin da rahotanni ke yawo cewa an samu baraka a tsakanin Gwamna Abba Kabir Yusuf da Kwankwason. https://www.youtube.com/watch?v=EfYjJ3F6vgM A jiya dai hutudole ya kawo muku rahoton cewa, Jaridar Daily Nigerian tace Abba ya daina daukar wayar Kwankwaso.

Dan takarar shugaban kasa a jami'iyyar Labour Party a zaben shekarar 2023, Peter Obi ya bayyana cewa ko da ya kama matarsa tana cin amanarsa da wani namiji ba zai sake ta ba. Peter Obi ya bayyana cewa aminci da soyayyar dake tsakaninsa da matarsa abune me karfi sosai. Peter Obi yace ko da za'a harbeshi da Bindiga ko ya kamata tana cin amanarsa da wani namiji ba zai iya rabuwa da ita ba. Peter Obi yace matarsa idan ta ga dama ta aikata duk abinda take so shidai ba zai iya rabuwa da ita ba. Peter Obi dai da matarsa, Margaret Brownson sun shafe shekaru 30 da aure.